മുഹറഖ് മലയാളി സമാജം കമ്മിറ്റിയുടെ സ്ഥാനാരോഹണ ചടങ്ങ്
മനാമ: മുഹറഖ് മലയാളി സമാജം 2024/ 26 വർഷ കമ്മിറ്റിയുടെ സ്ഥാനാരോഹണവും വിദ്യാദരം വിദ്യാഭ്യാസ അവാർഡ് വിതരണവും നടത്തി, 10,12 ക്ലാസുകളിൽ ഉന്നതവിജയം നേടിയ എം.എം.എസ് കുടുംബത്തിലെ കുട്ടികൾക്കാണ് വിദ്യാദരം അവാർഡ് നൽകിയത്. നാട്ടിൽ വിജയം നേടിയ കുട്ടികളുടെ രക്ഷിതാക്കളെ ആദരിക്കുകയും ചെയ്തു.
മുഹറഖ് ലുലു ഹൈപ്പർ മാർക്കറ്റ് ഗ്രൗണ്ട് ഫ്ലോറിൽ നടന്ന പരിപാടി ന്യൂ ഇന്ത്യൻ സ്കൂൾ ചെയർമാൻ ഗോപിനാഥ മേനോൻ ഉദ്ഘാടനംചെയ്തു. പ്രസിഡന്റ് അനസ് റഹിം അധ്യക്ഷനായിരുന്നു. രക്ഷാധികാരി എബ്രഹാം ജോൺ, ഉപദേശക സമിതി ചെയർമാൻ ലത്തീഫ് കെ എന്നിവർ ആശംസകൾ നേർന്നു. നടി ശ്രീഷ്ണ സുരേഷ് മുഖ്യാതിഥി ആയിരുന്നു.
ചടങ്ങിൽ എം.എം.എസ് കമ്മിറ്റി ഭാരവാഹികളെ കൂടാതെ വനിതാ വേദിയുടെ പുതിയ ഭാരവാഹികളും ചുമതലയേറ്റു. മെംബർഷിപ് കാമ്പയിൻ മുൻ പ്രസിഡന്റ് ഷിഹാബ് കറുകപുത്തൂർ സാമൂഹികപ്രവർത്തകൻ മണിക്കുട്ടന് ഫോം നൽകി ഉദ്ഘാടനംചെയ്തു. വിദ്യാദരം അവാർഡ് ജേതാക്കൾക്ക് ഗോപിനാഥ മേനോൻ, എബ്രഹാം ജോൺ, ശ്രീഷ്ണ സുരേഷ്, അനസ് റഹിം, ലത്തീഫ് കെ, ആനന്ദ് വേണുഗോപാൽ, ശിവശങ്കർ എന്നിവർ അവാർഡുകൾ വിതരണംചെയ്തു.
എം.എം.എസ് സർഗവേദി കലാകാരന്മാരുടെ വിവിധ കലാ പരിപാടികളും സഹൃദയ നാടൻപാട്ട് സംഘത്തിന്റെ നാടൻ പാട്ടുകളും ഉണ്ടായിരുന്നു. കലാ പരിപാടികൾക്ക് എന്റർടൈൻമെന്റ് സെക്രട്ടറി ഫിറോസ് വെളിയങ്കോട് നേതൃത്വം നൽകി. സെക്രട്ടറി ആനന്ദ് വേണുഗോപാൽ സ്വാഗതവും ട്രഷറർ ശിവശങ്കർ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.