മനാമ: ‘ഗൾഫ് മാധ്യമം’ സംഘടിപ്പിക്കുന്ന സിങ് ആൻഡ് വിൻ മത്സരത്തിൽ പങ്കെടുക്കാൻ എൻട്രികൾ അയക്കേണ്ട അവസാന തീയതി വ്യാഴാഴ്ച. വിജയികളെ കാത്ത് ആകർഷക സമ്മാനങ്ങളാണുള്ളത്. മാത്രമല്ല വിജയികൾക്ക് ജൂൺ പതിനെട്ടിന് ബഹ്റൈൻ ഏഷ്യൻ സ്കൂളിൽ നടക്കുന്ന ‘മധുമയമായ് പാടാം’ പരിപാടിയിൽ നിങ്ങളുടെ ഇഷ്ട ഗായകൻ എം.ജി. ശ്രീകുമാറിനോടും പ്രശസ്തരായ മറ്റു യുവഗായകരോടുമൊപ്പം പാടാനും അവസരം ലഭിക്കും.
എം.ജി. ശ്രീകുമാർ പാടിയ പാട്ടിന്റെ വരികൾ പാടി, പേരും വയസ്സും സഹിതം, ഒരു മിനിറ്റിൽ കവിയാത്ത വിഡിയോ 39741752 എന്ന നമ്പറിലേക്ക് വാട്സ്ആപ് ചെയ്യുകയാണ് വേണ്ടത്. തിരഞ്ഞെടുക്കപ്പെടുന്നവരെ ‘മധുമയമായ് പാടാം’ വേദിയിൽ ആദരിക്കും.
ഒപ്പം മികച്ച സമ്മാനങ്ങളും ലഭിക്കും. മാത്രമല്ല ഷോർട്ട്‍ലിസ്റ്റ് ചെയ്യപ്പെടുന്ന മത്സരാർഥികളുടെ വിഡിയോ ‘മാധ്യമം’ സോഷ്യൽ മീഡിയ പ്ലാറ്റ്ഫോമുകളിൽ അപ് ലോഡ് ചെയ്യും. 16 വയസ്സുവരെയുള്ളവർക്ക് ജൂനിയർ വിഭാഗത്തിലും അതിനുമുകളിൽ പ്രായമുള്ളവർക്ക് സീനിയർ വിഭാഗത്തിലും മത്സരിക്കാം.
2024 ജൂൺ 18 അടിസ്ഥാനമാക്കിയാണ് പ്രായം കണക്കാക്കുന്നത്. ഇൻസ്ട്രുമെന്റ്സോ കരോക്കെയോ ഇല്ലാതെയാണ് പാടേണ്ടത്. ഷോർട്ട്‍ലിസ്റ്റ് ചെയ്യപ്പെടുന്ന മത്സരാർഥികൾക്കായി ഫൈനൽ മത്സരം ലുലു റാംലി മാളിൽ ജൂൺ 14ന് അരങ്ങേറും. പ്രശസ്ത വിധികർത്താക്കളായിരിക്കും ഫൈനലിലെ വിജയികളെ നിർണയിക്കുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.