മനാമ: ഗൾഫ് മാധ്യമവുമായി സഹകരിച്ച് പി എം ഫൗണ്ടേഷൻ ജി.സി.സിയിൽ നടത്തുന്ന ടാലൻറ് സെർച്ച് പരീക്ഷക്ക് രജിസ്റ്റർ ചെയ്യാനുളള സമയ പരിധി ഒക്ടോബർ ഒമ്പതിന് അവസാനിക്കും. 2018 മാർച്ചിൽ സി.ബി.എസ്.ഇ പരീക്ഷയിൽ ആകെ 90 ശതമാനം മാർക്ക് നേടിയ എല്ലാ കുട്ടികൾക്കും പ്രസ്തുത പരീക്ഷക്കായി അപേക്ഷിക്കാം. 10 വർഷത്തിലധികമായി പി എം ഫൗണ്ടേഷൻ ജിസിസിയിൽ നടത്തി വരുന്ന പരീിക്ഷയിൽ മികച്ച വിജയം നേടുന്നവർക്ക് റീജ്യനൽ തലത്തിലും, ജിസിസി തലത്തിലും മികച്ച സമ്മാനങ്ങൾ ലഭിക്കും. കൂടാതെ തിരഞ്ഞെടുക്കപ്പെടുന്നവർക്ക് ഉപരി പഠനത്തിനായി സ്കോളർഷിപ്പും ലഭിക്കുന്ന പദ്ധതിയാണ് ഒരുക്കിയിരിക്കുന്നത്. പരീക്ഷക്കായുളള രജിസ്ട്രേഷൻ സൗജന്യമാണ്. ഒക്ടോബർ 13ന് ഇന്ത്യൻ സ്കൂളിലാണ് പരീക്ഷാ നടത്തപ്പെടുന്നത്. താഴെകൊടുത്ത വെബ്സൈറ്റ് വഴി രജിസ്റ്റർ ചെയ്യാം. 2017 പരീക്ഷയിലെ ഒന്നും രണ്ടും വിജയികൾ ബഹ്റൈനിൽ നിന്നായിരുന്നു. www.pmfonline.org പരീക്ഷയുമായി ബന്ധപ്പെട്ട് വിശദ വിവരങ്ങളും വെബ്സൈറ്റിൽ ലഭ്യമാണ്.കൂടുതൽ വിവരങ്ങൾക്ക് ബന്ധപ്പെടുക. ഫോൺ: 39196661.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.