മനാമ: വോയ്‌സ് ഓഫ് ആലപ്പിയുടെ മനാമ, ഹമദ് ടൗൺ, സൽമാബാദ് ഏരിയകളുടെ നേതൃത്വത്തിൽ ആരോഗ്യ സുരക്ഷ കാമ്പയിൻ സംഘടിപ്പിക്കുന്നു. മനാമയിലെ അൽ റാബി മെഡിക്കൽ സെന്ററിൽവെച്ച് ജൂൺ ഒമ്പതിനും ഹമദ് ടൗണിലെയും സൽമാബാദിലെയും അൽ ഹിലാൽ മെഡിക്കൽ സെന്ററുകളിൽവെച്ച് ജൂൺ 16നുമാണ് ക്യാമ്പ് നടക്കുന്നത്.
സൗജന്യ മെഡിക്കൽ ക്യാമ്പുകൾ, പ്രവാസികൾ അനുഭവിക്കുന്ന ആരോഗ്യ പ്രശ്നങ്ങൾക്ക് സൗജന്യ ഡോക്ടർ കൺസൾട്ടേഷൻ, ഡിസ്‌കൗണ്ട് നിരക്കിൽ വിവിധ പരിശോധനകൾ, പ്രവാസികളുടെ ജീവിത ശൈലി രോഗങ്ങളെക്കുറിച്ചും അവ തടയാനുള്ള മാർഗങ്ങളെക്കുറിച്ചും വിദഗ്ധരുടെ ക്ലാസുകൾ, സി.പി.ആർ ട്രെയിനിങ്ങുകൾ, തിരക്കുനിറഞ്ഞ പ്രവാസജീവിതത്തിലും ശരീരത്തിന് നൽകാവുന്ന ലഘുവായതും എന്നാലും ഏറ്റവും പ്രയോജനകരവുമായ വ്യായാമങ്ങൾ പരിചയപ്പെടുത്തുന്ന വിദഗ്ധരുടെ ക്ലാസുകൾ തുടങ്ങിയവ കാമ്പയിന്റെ ഭാഗമായി നടക്കുമെന്ന് ഭാരവാഹികൾ അറിയിച്ചു.
കൂടുതൽ വിവരങ്ങൾക്ക് 3329 9856 (മനാമ), 3569 8384 (ഹമദ് ടൗൺ), 3509 3245 (സൽമാബാദ്) നമ്പറുകളിൽ ബന്ധപ്പെടണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.