സ്ഥാ​പ​നം പ്ര​വ​ർ​ത്ത​നം അ​വ​സാ​നി​പ്പി​ക്കു​മ്പോ​ൾ

ബഹ്റൈനിലെ തൊഴിൽ നിയമങ്ങൾ എന്തൊക്കെയാണെന്നത് ഓരോ വിദേശ തൊഴിലാളിയും നിർബന്ധമായും അറിഞ്ഞിരിക്കേണ്ടതാണ്. ഇത് അറിയാത്തതുകൊണ്ടാണ് പല വഞ്ചനകളിലും പ്രയാസങ്ങളിലും പ്രവാസി തൊഴിലാളികൾ അകപ്പെടുന്നത്. അടിസ്​ഥാനപരമായി തൊഴിലാളികൾ അറിഞ്ഞിരിക്കേണ്ട നിയമങ്ങളെക്കുറിച്ച പംക്തിയാണിത്. പ്രവാസികളുടെ സംശയങ്ങൾക്കുള്ള മറുപടിയും പംക്തിയിലൂടെ ലഭ്യമാകും. bahrain@gulfmadhyamam.net എന്ന വിലാസത്തിലോ 39203865 വാട്​സാപ്​ നമ്പറിലോ സംശയങ്ങൾ അയക്കാം. ഇ​വി​ടെ ന​ൽ​കു​ന്ന വി​വ​ര​ങ്ങ​ൾ നി​യ​മോ​പ​ദേ​ശ​മാ​യി ക​ണ​ക്കാ​ക്ക​രു​ത്. വ്യ​ക്​​ത​മാ​യ നി​യ​മോ​പ​ദേ​ശം ല​ഭി​ക്കാ​ൻ ഒ​രു ബ​ഹ്​​റൈ​നി അ​ഭി​ഭാ​ഷ​ക​നെ സ​മീ​പി​ക്ക​ണം.

1. ഇ​വി​ടെ ഒ​രു സ്ഥാ​പ​നം പ്ര​വ​ർ​ത്ത​നം അ​വ​സാ​നി​പ്പി​ക്കു​ന്ന​തി​ന് എ​ന്തെ​ങ്കി​ലും മു​ൻ​ക​രു​ത​ലു​ക​ൾ എ​ടു​ക്ക​ണ​മോ? പ്ര​ത്യേ​കി​ച്ച് തൊ​ഴി​ലാ​ളി​ക​ളെ സം​ബ​ന്ധി​ച്ച്. ഞ​ങ്ങ​ളു​ടെ സ്ഥാ​പ​നം ഒ​രു വി​ദേ​ശ ക​മ്പ​നി​യു​ടെ ​ബ്രാ​ഞ്ച് ഓ​ഫി​സാ​ണ്. ഞ​ങ്ങ​ൾ കു​റെ അ​ധി​കം തൊ​ഴി​ലാ​ളി​ക​ളു​ണ്ട് -ഒ​രു വാ​യ​ന​ക്കാ​ര​ൻ

• തൊ​ഴി​ൽ നി​യ​മ​ത്തി​ൽ ഇ​ക്കാ​ര്യ​ത്തി​ന് പ്ര​ത്യേ​ക വ്യ​വ​സ്ഥ​യു​ണ്ട്. അ​തു​പ്ര​കാ​രം ഒ​രു സ്ഥാ​പ​നം അ​ട​ക്കു​ന്ന​തി​ന് ഒ​രു മാ​സം മു​മ്പേ തൊ​ഴി​ൽ മ​ന്ത്രാ​ല​യ​ത്തി​ന് നോ​ട്ടീ​സ് ന​ൽ​ക​ണം. സ്ഥാ​പ​നം അ​ട​ക്കു​ന്ന​തി​നു​ള്ള വ്യ​ക്ത​മാ​യ കാ​ര​ണ​ങ്ങ​ൾ മ​ന്ത്രാ​ല​യ​ത്തെ അ​റി​യി​ച്ചി​രി​ക്ക​ണം. ഒ​രു മാ​സ​ത്തെ നോ​ട്ടീ​സ് സ​മ​യം ക​ഴി​യു​മ്പോ​ൾ തൊ​ഴി​ലാ​ളി​ക​ൾ​ക്ക് ഒ​രു മാ​സ​ത്തെ നോ​ട്ടീ​സ് ന​ൽ​കി സ്ഥാ​പ​ന​ത്തി​ന് തൊ​ഴി​ൽ ക​രാ​റു​ക​ൾ റ​ദ്ദ് ചെ​യ്യാ​ൻ സാ​ധി​ക്കും.

സാ​ധാ​ര​ണ തൊ​ഴി​ൽ ക​രാ​ർ റ​ദ്ദ് ചെ​യ്യു​മ്പോ​ൾ ന​ൽ​കേ​ണ്ട എ​ല്ലാ ആ​നു​കൂ​ല്യ​ങ്ങ​ളും തൊ​ഴി​ലു​ട​മ തൊ​ഴി​ലാ​ളി​ക​ൾ​ക്ക് ന​ൽ​ക​ണം. തൊ​ഴി​ൽ മ​ന്ത്രാ​ല​യ​ത്തെ അ​റി​യി​ച്ച് സ്ഥാ​പ​നം അ​ട​ക്കു​ന്ന​തു​കൊ​ണ്ട് സ്ഥാ​പ​ന​ത്തി​ന് ഒ​രു ആ​നു​കൂ​ല്യ​മു​ണ്ട്. അ​താ​യ​ത് സാ​ധാ​ര​ണ ന​ൽ​കു​ന്ന ന​ഷ്ട​പ​രി​ഹാ​ര​ത്തി​ന്റെ പ​കു​തി തൊ​ഴി​ലാ​ളി​ക​ൾ​ക്ക് ന​ൽ​കി​യാ​ൽ മ​തി.

സാ​ധാ​ര​ണ​ഗ​തി​യി​ൽ ജോ​ലി ചെ​യ്ത ഓ​രോ മാ​സ​ത്തി​നും ര​ണ്ടു ദി​വ​സ​ത്തെ ശ​മ്പ​ളം എ​ന്ന നി​ര​ക്കി​ലാ​ണ് ന​ഷ്ട​പ​രി​ഹാ​രം ന​ൽ​കേ​ണ്ട​ത്. ഇ​തി​ന്റെ പ​കു​തി അ​താ​യ​ത് ഒ​രു ദി​വ​സ​ത്തെ ശ​മ്പ​ളം ന​ഷ്ട​പ​രി​ഹാ​രം ന​ൽ​കി​യാ​ൽ മ​തി. തൊ​ഴി​ൽ നി​യ​മ​പ്ര​കാ​രം ല​ഭി​ക്കു​ന്ന മ​റ്റെ​ല്ലാ ആ​നു​കൂ​ല്യ​ങ്ങ​ൾ​ക്കും പു​റ​മെ​യാ​ണ് ന​ഷ്ട​പ​രി​ഹാ​രം ല​ഭി​ക്കു​ന്ന​ത്.

​​2. വി​ൽ​പ​ത്രം ഇ​വി​ടെ എ​ഴു​താ​ൻ സാ​ധി​ക്കു​മോ. ആ​രു​ടെ മു​ന്നി​ലാ​ണ് അ​ത് ഒ​പ്പു​വെ​ക്കേ​ണ്ട​ത്. ഇ​വി​ട​ത്തെ എം​ബ​സി​യു​ടെ മു​ന്നി​ൽ വെ​ച്ച് ഒ​പ്പു​വെ​ക്കാ​ൻ സാ​ധി​ക്കു​മോ. അ​തോ നോ​ട്ട​റി​യെ സ​മീ​പി​ക്ക​ണോ. അ​ങ്ങ​നെ ഒ​രു വി​ൽ​പ​ത്രം ഉ​ണ്ടെ​ങ്കി​ൽ എ​ന്റെ ഇ​വി​ടെ​യു​ള്ള ബാ​ങ്ക് അ​ക്കൗ​ണ്ടും ആ​സ്തി​ക​ളും എ​ന്റെ കു​ടും​ബ​ത്തി​ന്റെ പേ​രി​ലേ​ക്ക് മാ​റ്റാ​ൻ ക​ഴി​യു​മോ? -സ​ന്തോ​ഷ് റി​ഫ

• വി​ൽ​പ​ത്രം ഇ​വി​ടെ എ​ഴു​തു​ന്ന​തി​ന് നി​യ​മ ത​ട​സ്സ​ങ്ങ​ളൊ​ന്നു​മി​ല്ല. ര​ണ്ടു സാ​ക്ഷി​ക​ളു​ടെ മു​ന്നി​ലാ​ണ് വി​ൽ​പ​ത്രം ഒ​പ്പു​വെ​ക്കേ​ണ്ട​ത്. ഇ​ന്ത്യ​ൻ എം​ബ​സി​യി​ൽ കോ​ൺ​സ​ലി​ന്റെ മു​ന്നി​ൽ​വെ​ച്ച് ഒ​പ്പു​വെ​ക്കു​ന്ന​തി​ന് ത​ട​സ്സ​മൊ​ന്നു​മി​ല്ല. ഇ​ന്ത്യ​ൻ നി​യ​മ​പ്ര​കാ​രം ഈ ​വി​ൽ​പ​ത്രം നാ​ട്ടി​ൽ കോ​ട​തി മു​ഖേ​ന പ്രൊ​ബേ​റ്റ് ചെ​യ്യ​ണം. എ​ന്നാ​ൽ മാ​ത്ര​മേ വി​ൽ​പ​ത്ര​ത്തി​ന് അം​ഗീ​കാ​രം ല​ഭി​ക്കൂ. ഇ​ന്ത്യ​യി​ൽ അം​ഗീ​കാ​രം ല​ഭി​ച്ച വി​ൽ​പ​ത്രം ഇ​വി​ടെ കോ​ട​തി​യി​ൽ സ​മ​ർ​പ്പി​ക്ക​ണ​മെ​ങ്കി​ൽ നാ​ട്ടി​ലെ കോ​ട​തി ഉ​ത്ത​ര​വി​ന്റെ കോ​പ്പി അ​പ്പോ​സ്റ്റി​ൽ ചെ​യ്ത​ത് ഇ​വി​ടെ കൊ​ണ്ടു​വ​ര​ണം.

വി​ൽ​പ​​ത്രം എ​ഴു​തി​യ​തു​കൊ​ണ്ട് മാ​ത്രം ഇ​വി​ടെ​യു​ള്ള ബാ​ങ്ക് അ​ക്കൗ​ണ്ട് അ​ല്ലെ​ങ്കി​ൽ മ​റ്റ് ആ​സ്തി​ക​ൾ കു​ടും​ബ​ത്തി​ന്റെ പേ​രി​ലേ​ക്ക് മാ​റ്റാ​ൻ സാ​ധി​ക്കു​ക​യി​ല്ല. ബാ​ക്കി ന​ട​പ​ടി​ക​ൾ എ​ല്ലാം പൂ​ർ​ത്തി​യാ​യാ​ൽ മാ​ത്ര​മേ വി​ൽ​പ​ത്ര പ്ര​കാ​രം കാ​ര്യ​ങ്ങ​ൾ ന​ട​ത്താ​ൻ സാ​ധി​ക്കൂ. വി​ൽ​പ​​ത്രം ഇ​വി​ടെ​യു​ള്ള ഒ​രു നോ​ട്ട​റി അ​റ്റ​സ്റ്റ് ചെ​യ്യു​ക​യാ​ണെ​ങ്കി​ൽ മാ​ത്ര​മേ ഇ​വി​ടെ​യു​ള്ള കോ​ട​തി സ്വീ​ക​രി​ക്കൂ. ഇ​വി​ട​ത്തെ കോ​ട​തി വി​ൽ​പ​ത്ര​പ്ര​കാ​രം ഒ​രു ഓ​ർ​ഡ​ർ ന​ൽ​കി​യാ​ൽ മാ​ത്ര​മേ വി​ൽ​പ​ത്ര​പ്ര​കാ​ര​മു​ള്ള കാ​ര്യ​ങ്ങ​ൾ ചെ​യ്യാ​ൻ സാ​ധി​ക്കു​ക​യു​ള്ളൂ.