മനാമ: യൂത്ത് ഇന്ത്യ ബഹ്റൈൻ ‘സ്ട്രോങ് ഹാർട്ട്, ബ്രൈറ്റ് ഫ്യൂച്ചർ, ഇൻസ്പയറിങ് യൂത്ത്’ എന്ന തലക്കെട്ടിൽ അൽ ഹിലാൽ ഹോസ്പിറ്റലുമായി സഹകരിച്ച് ഒക്ടോബർ ഒന്നുമുതൽ 31 വരെ ഹെൽത്ത് കാമ്പയിൻ സംഘടിപ്പിക്കുന്നു. പ്രവാസി യുവാക്കളിലെ ആരോഗ്യപരമായ ജീവിത ശൈലി വാർത്തെടുക്കാനും നിത്യ ജീവിതത്തിൽ വ്യായാമത്തിന്റെ പ്രാധാന്യം മനസ്സിലാക്കാനും അത് തുടർന്നുള്ള പ്രവാസ ജീവിതത്തിൽ കൈക്കൊള്ളാനും അടിയന്തര മെഡിക്കൽ രീതികൾ സ്വായക്തമാക്കാനും ഈ കാമ്പയിൻ കൊണ്ട് സാധ്യമാകും.
ഒരു മാസക്കാലം നീണ്ടുനിൽക്കുന്ന കാമ്പയിനിൽ ഫിറ്റ്നസ് ചലഞ്ച്, വാക്ക് ചലഞ്ച്, അവബോധ സെഷനുകൾ, കാർഡിയോ വിദഗ്ധരുടെ ക്ലാസുകൾ, ഫസ്റ്റ് എയ്ഡ് സെഷൻ, ഹെൽത്ത് ടിപ്സ് എന്നിങ്ങനെ വിവിധ തരത്തിലുള്ള സെഷനുകൾ ഉണ്ടായിരിക്കുമെന്ന് പ്രോഗ്രാം കൺവീനർ ഇജാസ് മൂഴിക്കൽ അറിയിച്ചു.
ഒരു മാസം കൊണ്ട് മൂന്നുലക്ഷം സ്റ്റെപ്സ് എന്ന ചലഞ്ചിൽ എല്ലാ പ്രവാസികൾക്കും പങ്കെടുക്കാവുന്നതാണെന്ന് കോഓഡിനേറ്റർ സിറാജ് കിഴുപ്പിള്ളിക്കര അറിയിച്ചു. രജിസ്ട്രേഷൻ ലിങ്ക് വഴിയോ അല്ലെങ്കിൽ 35538451 -33781857 എന്ന നമ്പർ വഴിയോ രജിസ്ട്രേഷൻ നടത്താം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.