രാ​ജ്യ​ത്ത് കാ​ലാ​വ​സ്ഥ മാ​റ്റ​ത്തി​ന്റെ ല​ക്ഷ​ണം; ത​ണു​പ്പ് വ​രു​ന്നു, വ്യാപകമായി ചാ​റ്റ​ൽ മ​ഴ

കു​വൈ​ത്ത് സി​റ്റി: രാ​ജ്യ​ത്ത് കാ​ലാ​വ​സ്ഥ മാ​റ്റ​ത്തി​ന്റെ ല​ക്ഷ​ണ​ങ്ങ​ൾ പ്ര​ക​ട​മാ​ക്കി ചാ​റ്റ​ൽ മ​ഴ എ​ത്തി. ചൊ​വ്വാ​ഴ്ച രാ​വി​ലെ മു​ത​ൽ പ​ല​യി​ട​ങ്ങ​ളി​ലും മ​ഴ ല​ഭി​ച്ചു. പ​ക​ൽ അ​ന്ത​രീ​ക്ഷം മൂ​ടി​ക്കെട്ടി​യ നി​ല​യി​ലാ​യി​രു​ന്നു. മ​ഴ എ​ത്തി​യ​തോ​ടെ താ​പ​നി​ല​യി​ലും ഇ​ടി​വു​ണ്ടാ​യി. ചൊ​വ്വാ​ഴ്ച ഉ​ച്ച​ക്ക് ശ​രാ​ശ​രി 25 ഡി​ഗ്രി സെ​ൽ​ഷ്യ​സി​ലേ​ക്ക് താ​പ​നി​ല താ​ഴ്ന്നു.

അ​സ്ഥി​ര​മാ​യ കാ​ലാ​വ​സ്ഥ കാ​ര​ണം പൗ​ര​ന്മാ​രോ​ടും താ​മ​സ​ക്കാ​രോ​ടും ജാ​ഗ്ര​ത​യും ക​രു​ത​ലും പു​ല​ർ​ത്ത​ണ​മെ​ന്ന് ജ​ന​റ​ൽ ഫ​യ​ർ​ഫോ​ഴ്‌​സ് അ​റി​യി​ച്ചു. വാ​ഹ​നം ഓ​ടി​ക്കു​മ്പോ​ൾ ജാ​ഗ്ര​ത പാ​ലി​ക്ക​ണ​മെ​ന്നും അ​പ​ക​ട​ങ്ങ​ൾ​ക്ക് കാ​ര​ണ​മാ​കു​ന്ന ത​ര​ത്തി​ൽ വാ​ഹ​നം ഡ്രൈ​വ് ചെ​യ്യ​രു​തെ​ന്നും അ​ധി​കൃ​ത​ർ നി​ർ​ദേ​ശി​ച്ചു.

സ​ഹാ​യം ആ​വ​ശ്യ​മു​ള്ള​വ​ർ​ക്ക് 112 എ​ന്ന എ​മ​ർ​ജ​ൻ​സി ന​മ്പ​റി​ൽ വി​ളി​ക്കാ​മെ​ന്നും അ​റി​യി​പ്പു ന​ൽ​കി. എ​ന്നാ​ൽ മ​ഴ ശ​ക്തി പ്രാ​പി​ക്കാ​ത്ത​തി​നാ​ൽ അ​നി​ഷ്ട സം​ഭ​വ​ങ്ങ​ൾ ഒ​ഴി​വാ​യി.

ഞാ​യ​റാ​ഴ്ച മു​ത​ൽ രാ​ജ്യ​ത്ത് താ​പ​നി​ല​യി​ൽ കു​റ​വു​വ​ന്നു​തു​ട​ങ്ങി​യി​രു​ന്നു. രാ​വി​ലെ​യും രാ​ത്രി​യും നേ​രി​യ ത​ണു​പ്പും കാ​റ്റും പ​തി​വാ​യി​രു​ന്നു. ഇ​തി​ന് പി​റ​കെ​യാ​ണ് ചൊ​വ്വാ​ഴ്ച ചാ​റ്റ​ൽ മ​ഴ എ​ത്തി​യ​ത്. വേ​ന​ൽ കാ​ല​ത്തു​നി​ന്നും രാ​ജ്യം ശൈ​ത്യ​കാ​ല​ത്തി​ലേ​ക്ക് മാ​റു​ന്ന​തി​ന്റെ ല​ക്ഷ​ണ​മാ​യാ​ണ് മ​ഴ​യെ ക​ണ​ക്കാ​ക്കു​ന്ന​ത്. വ​രും ദി​വ​സ​ങ്ങ​ളി​ൽ രാ​ജ്യ​ത്ത് താ​പ​ന​ിലയി​ൽ കു​റ​വു​ണ്ടാ​കു​ക​യും പ​തി​യെ ത​ണു​പ്പു സീ​സ​ണി​ലേ​ക്ക് നീ​ങ്ങും.

മ​ഴ​ക്കാ​ലം മു​ന്നി​ൽ ക​ണ്ട് എ​ല്ലാ സ​ജ്ജീ​ക​ര​ണ​ങ്ങ​ളും ഒ​രു​ക്കി​യി​ട്ടു​ണ്ട്. ഹൈ​വേ​ക​ളി​ലെ മാ​ൻ​ഹോ​ൾ ക​വ​റു​ക​ൾ മാ​റ്റാ​നു​ള്ള പ്ര​വ​ര്‍ത്ത​ന​ങ്ങ​ള്‍ ന​ട​ന്നു​വ​രു​ന്നു. മ​ഴ​ക്കാ​ല​ത്ത് ര​ക്ഷാ​പ്ര​വ​ർ​ത്ത​ന​ങ്ങ​ള്‍ ന​ല്‍കു​ന്ന​തി​നും അ​ടി​യ​ന്ത​ര സ​ഹാ​യ​ങ്ങ​ള്‍ എ​ത്തി​ക്കു​ന്ന​തി​നു​മാ​യി ഓ​പ​റേ​ഷ​ന്‍ റൂം ​സ​ജ്ജ​മാ​ക്കും.

കാ​ലാ​വ​സ്ഥാ മാ​റ്റ​ത്തി​ന്‍റെ ഘ​ട്ട​ത്തി​ല്‍ സീ​സ​ണ​ല്‍ അ​സു​ഖ​ങ്ങ​ള്‍ വ​രാ​ന്‍ സാ​ധ്യ​ത​യു​ള്ള​തി​നാ​ല്‍ ആ​വ​ശ്യ​മാ​യ മു​ന്‍ക​രു​ത​ല്‍ സ്വീ​ക​രി​ക്ക​ണ​മെ​ന്ന് അ​ധി​കൃ​ത​ര്‍ ഉ​ണ​ർ​ത്തി.