കുവൈത്ത് സിറ്റി: ശിഫാ അൽ ജസീറ ഗ്രൂപ് അൽ നാഹിൽ ക്ലിനിക് അബ്ബാസിയ ബ്രാഞ്ചിൽ ഓണം വിവിധ കലാപരിപാടികളോടെ വിപുലമായി ആഘോഷിച്ചു. വയനാട് ദുരന്തത്തിൽ മരണപ്പെട്ടവർക്ക് ആദരാഞ്ജലി നേർന്നുകൊണ്ടാണ് പ്രോഗ്രാം തുടങ്ങിയത്. ക്ലിനിക്കിന്റെ ഗ്രൗണ്ട് ഫ്ലോറിൽ ഒരുക്കിയ അതിമനോഹരമായ പൂക്കളം എല്ലാവരുടെയും മനം കവർന്നു.
മാനേജർ വിജിത് അധ്യക്ഷത വഹിച്ചു. മെഡിക്കൽ ഡയറക്ടർ ഡോ. സഞ്ജീവ് പ്രസാദ് ഓണസന്ദേശം നൽകി. വിഭവ സമൃദ്ധമായ ഓണസദ്യയും ഒരുക്കി. രാത്രി ജീവനക്കാർക്കായി സംഘടിപ്പിച്ച വിവിധ ഇനം മത്സരങ്ങളും ഗാനങ്ങളും കലാപരിപാടികളും ആഘോഷത്തിന് മാറ്റ്കൂട്ടി. ലൂസിയ വില്യംസ് കലാ പരിപാടികൾ നിയന്ത്രിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.