കുവൈത്ത് സിറ്റി: പുതിയ അധ്യയന വർഷം ആരംഭിക്കുന്നതിനോടനുബന്ധിച്ച് അൽ മദ്റസത്തുൽ ഇസ്ലാമിയ സാൽമിയ ബ്രാഞ്ച് പ്രവേശനോത്സവം സംഘടിപ്പിച്ചു. കെ.ഐ.ജി വിദ്യാഭ്യാസ ബോർഡ് ഡയറക്ടർ ഡോ. അലിഫ് ഷുക്കൂർ ഉദ്ഘാടനം ചെയ്തു.
ധാർമിക ബോധമുള്ള മനുഷ്യനെ സൃഷ്ടിക്കാൻ മത വിദ്യാഭ്യാസം അനിവാര്യമാണെന്നും പഠിക്കുന്ന കാര്യങ്ങൾ ജീവിതത്തിൽ പകർത്തണമെന്നും, കൂടുതൽ വായിച്ചറിയാൻ രക്ഷിതാക്കൾ അവരെ സഹായിക്കണമെന്നും അദ്ദേഹം ഉണർത്തി. പി.ടി.എ പ്രസിഡന്റ് വി.കെ. ശിഹാബ് അധ്യക്ഷത വഹിച്ചു. അൽഹാൻ അൽത്താഫ് ഖിറാഅത്ത് നടത്തി.
ആക്ടിങ് പ്രിൻസിപ്പൽ ജസീറ ആസിഫ്, കെ.ഐ.ജി കേന്ദ്ര ശൂറ അംഗം സക്കീർ ഹുസൈൻ തുവ്വൂർ എന്നിവർ സംസാരിച്ചു. കെ.ഐ.ജി സാൽമിയ ഏരിയ പ്രസിഡന്റ് റിഷ് ദിൻ അമീർ, കെ.ഐ.ജി എജുക്കേഷൻ ബോർഡ് സെക്രട്ടറി നൈസാം എന്നിവർ സംബന്ധിച്ചു. പി.ടി.എ ട്രഷറർ അബ്ദുൽ അസീസ് മാട്ടുവയൽ സ്വാഗതവും സെക്രട്ടറി ഷംനാദ് ശാഹുൽ ഹമീദ് നന്ദിയും പറഞ്ഞു. മദ്റസയിലേക്കുള്ള അഡ്മിഷനുകൾ തുടരുന്നതായും വിവരങ്ങൾക്ക് 66977039,67772143 നമ്പറിൽ ബന്ധപ്പെടാമെന്നും ഭാരവാഹികൾ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.