അൽ അൻസാരി എക്സ്ചേഞ്ച് ചാമ്പ്യൻസ് ട്രോഫി ജേതാക്കളായ സിറ്റി ഇലവൻ ട്രോഫിയുമായി
കുവൈത്ത് സിറ്റി: അൽ അൻസാരി എക്സ്ചേഞ്ച് കുവൈത്ത് ചാമ്പ്യൻസ് ട്രോഫി സീസൺ ഫൈവ് ടൂർണമെന്റിൽ സിറ്റി ഇലവൻ ജേതാക്കൾ. ഫൈനലിൽ ടീം സൽവ ബോയ്സിനെ തോൽപ്പിച്ചാണ് കിരീടനേട്ടം.
ആർ.സി.സി ഗ്രൗണ്ടിൽ നടന്ന ഫൈനലിൽ ആദ്യം ബാറ്റ് ചെയ്ത സിറ്റി ഇലവൻ ആറു ഓവറിൽ നാലു വിക്കറ്റ് നഷ്ടത്തിൽ 58 റൺസെടുത്തു. മറുപടി ബാറ്റിങ്ങിനിറങ്ങിയ സൽവ ബോയ്സിന് നിശ്ചിത ഓവറിൽ 38 റൺസ് എടുക്കാനേ സാധ്യമായുള്ളൂ.
ഫൈനലിലെ മികച്ച പ്രകടനത്തിന് സിറ്റി ഇലവന്റെ നവീൻരാജ് മാൻ ഓഫ് ദി മാച്ച് പുരസ്കാരം കരസ്ഥമാക്കി. സൽവ ബോയ്സിന്റെ നിളന്ദകുമാരയെ ടൂർണമെന്റിലെ താരമായി തെരഞ്ഞെടുത്തു.
വിജയികൾക്ക് അൽ അൻസാരി എക്സ്ചേഞ്ച് റിഗായി ബ്രാഞ്ച് മാനേജർ ആനന്ദ് കുമാർ ട്രോഫികൾ വിതരണം ചെയ്തു. സിറ്റി ഇലവൻ ക്യാപ്റ്റൻ അൻസാരിയും വൈസ് ക്യാപ്റ്റൻ സമീറും ചേർന്ന് വിജയികൾക്കുള്ള ട്രോഫി ഏറ്റുവാങ്ങി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.