കുവൈത്ത് സിറ്റി: എയർഫോഴ്സ് പരിശീലന വിമാനം തകര്‍ന്ന് വീണ് മരിച്ച വ്യോമസേന പൈലറ്റ് ലെഫ്റ്റനന്റ് മുഹമ്മദ് മഹ്മൂദ് അബ്ദുൽ റസൂലിന്റെ കുടുംബത്തെ അമീർ ശൈഖ് മിശ്അൽ അൽ അഹമ്മദ് അൽ ജാബിർ അസ്സബാഹ് അനുശോചനം അറിയിച്ചു. അപകടത്തിൽ ഏറെ വേദന പ്രകടിപ്പിച്ച അമീര്‍ ദുഃഖിതരായ കുടുംബത്തിന് ആശ്വാസം നേർന്നു.
കിരീടാവകാശി ശൈഖ് സബാഹ് ഖാലിദ് അൽ ഹമദ് അൽ മുബാറക് അസ്സബാഹും പ്രധാനമന്ത്രി ശൈഖ് അഹ്മദ് അബ്ദുല്ല അൽ അഹമ്മദ് അസ്സബാഹും കുടുംബത്തെ അനുശോചനം അറിയിച്ചു. ഒന്നാം ഉപപ്രധാനമന്ത്രിയും പ്രതിരോധ-ആഭ്യന്തര മന്ത്രിയുമായ ശൈഖ് ഫഹദ് യൂസഫ് അസ്സബാഹും നിര്യാണത്തിൽ അനുശോചിച്ചു.
കുവൈത്തിലെ വടക്കന്‍ മേഖലയിലെ അല്‍ റൗദത്തെയിന്‍ പ്രദേശത്ത് ബുധനാഴ്ചയാണ് എയർഫോഴ്സ് പരിശീലന വിമാനം അപകടത്തിൽപെട്ടത്. പരിശീലന പറക്കലിനിടെ വിമാനം തകര്‍ന്നു വീഴുകയായിരുന്നു. അപകടകാരണത്തെ കുറിച്ച് അന്വേഷിക്കാൻ പ്രതിരോധ മന്ത്രാലയം ഉത്തരവിട്ടിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.