തെരഞ്ഞെടുപ്പ്​: നെറ്റിൽ ചുരിക ചുഴറ്റി പ്രവാസികൾ

കു​വൈ​ത്ത്​ സി​റ്റി: നാ​ട്ടി​ൽ തെ​ര​ഞ്ഞെ​ടു​പ്പി​ന്​ അ​ങ്ക​ത്ത​ട്ടു​ണ​ർ​ന്ന​പ്പോ​ൾ സ​മൂ​ഹ​മാ​ധ്യ​മ​ങ്ങ​ളി​ൽ ചു​രി​ക ചു​ഴ​റ്റി പ്ര​വാ​സി​ക​ൾ. വ​ല​തു​മാ​റി, ഇ​ട​തു​വെ​ട്ടി, ചാ​ഞ്ഞൊ​ഴി​ഞ്ഞ്​ അ​ങ്കം കൊ​ഴു​ക്കു​ക​യാ​ണ്​ ഇ​ൻ​റ​ർ​നെ​റ്റി​ൽ. മ​ല​യാ​ളി പ്ര​വാ​സി​ക​ളു​ടെ ഫേ​സ്​​ബു​ക്കി​ലും വാ​ട്​​സാ​പ്​ ഗ്രൂ​പ്പു​ക​ളി​ലും പ്ര​ധാ​ന ഇ​നം ഇ​പ്പോ​ൾ തെ​ര​ഞ്ഞെ​ടു​പ്പ്​ പോ​ര്​ ത​ന്നെ. മാ​റ്റ​ച്ചു​രി​ക പോ​ലെ വാ​ദ​ങ്ങ​ളും മ​റു​വാ​ദ​ങ്ങ​ളും ന്യാ​യീ​ക​ര​ണ കാ​പ്​​സൂ​ളു​ക​ളും മു​ക​ളി​ൽ​നി​ന്ന്​ വ​രും. ഇ​തി​ൽ വി​ദ​ഗ്​​ധ​രാ​യ ചേ​ക​വ​ന്മാ​ർ പ്ര​വാ​സ ലോ​ക​ത്തു​മു​ണ്ട്.

പ​രി​ച​​ക്ക്​ മ​ണ്ണു​വാ​രി ക​ണ്ണി​ലെ​റി​ഞ്ഞ് ച​തി​ച്ചു​വെ​ട്ടു​ന്ന പു​തി​യ അ​ട​വാ​യി ഫോ​ൺ​കാ​ൾ ചോ​ർ​ത്തി സ​മൂ​ഹ​മാ​ധ്യ​മ​ങ്ങ​ളി​ൽ പോ​സ്​​റ്റ്​ ചെ​യ്യു​ന്നു. പ​ന്തി​പ്പ​ഴു​ത്​ കാ​ണു​േ​മ്പാ​ൾ പ​രി​ച​ക്ക്​ വെ​ട്ടി​യൊ​ഴി​ഞ്ഞ​താ​ണെ​ന്ന​റി​യാ​നു​ള്ള പ​ഠി​പ്പ്​ തി​ക​ഞ്ഞ പ​തം​വ​ന്ന ചേ​ക​വ​ന്മാ​ർ മു​ത​ൽ ചെ​റു​ബാ​ല്യം വി​ടാ​ത്ത കു​ട്ടി​ക​ളു​ടെ ക​ളി​ക്ക് തൊ​ടു​ക്കാ​ൻ കൂ​ടെ നി​ൽ​ക്കു​ന്ന പോ​ലെ നി​സ്സാ​ര​മാ​യി കി​ട്ടു​ന്ന​തെ​ല്ലാം ഷെ​യ​ർ ചെ​യ്യു​ന്ന​വ​ർ വ​രെ​യു​ണ്ട്​ ക​ള​രി​യി​ൽ. മ​ർ​മം അ​റി​ഞ്ഞു​ള്ള പ്ര​യോ​ഗ​ങ്ങ​ളി​ൽ ചു​വ​ടു​പി​ഴ​ക്കാ​തി​രി​ക്കാ​ൻ ജാ​ഗ്ര​ത വേ​ണം.

ചു​വ​ട് പി​ഴ​ച്ചാ​ൽ എ​ല്ലാം പി​ഴ​ച്ചു. കാ​ലും കോ​ലും ഒ​രു​മി​ച്ചു പോ​വ​ണം. എ​ങ്കി​ലേ അ​ങ്കം ജ​യി​ക്കാ​ൻ ക​ഴി​യൂ. എ​ന്തി​ന്​ ​വെ​റു​തെ ചാ​വേ​റാ​വ​ണം എ​ന്ന്​ നി​ന​ച്ച്​ ഇ​തി​ലൊ​ന്നും ശ്ര​ദ്ധി​ക്കാ​തെ ജോ​ലി​യും കാ​ര്യ​ങ്ങ​ളും മാ​ത്രം ശ്ര​ദ്ധി​ച്ച്​ ജീ​വി​ക്കു​ന്ന​വ​രും കു​റ​വ​ല്ല.

എ​ന്തെ​ക്കെ പ​റ​ഞ്ഞാ​ലും നാ​ട്ടി​ലെ പോ​​ലെ മെ​യ്ത്താ​രി​യും കോ​ൽ​ത്താ​രി​യും അ​ങ്ക​ത്താ​രി​യും ഇ​വി​ടെ​യി​ല്ല. വാ​യ്ത്താ​രി​യി​ൽ പോ​രു​തീ​ർ​ത്ത്​ ബാ​ച്ച്​​ല​ർ മു​റി​ക​ളി​ൽ പി​ന്നെ സൗ​ഹൃ​ദ​പ്പ​യ​റ്റ്. നാ​ടു​വി​ട്ട്​ മ​റു​നാ​ട്ടി​ലെ​ത്തി​യ​വ​ർ ഇ​വി​ടെ ഒ​രേ ക​ള​രി​യി​ൽ ജീ​വി​ത​മെ​ന്ന അ​ങ്ക​ത്തി​ന്​ ക​ച്ച​മു​റു​ക്കി​യ​വ​രാ​ണ്.