അൽ മദ്റസത്തുൽ ഇസ്‌ലാമിയ ഫഹാഹീൽ ബ്രാഞ്ച് വിദ്യാർഥികൾക്ക് നൽകിയ യാത്രയയപ്പ്
കുവൈത്ത് സിറ്റി: മൂന്നു വർഷങ്ങളിലായി ഏഴാം ക്ലാസ് പഠനം പൂർത്തിയാക്കിയ വിദ്യാർഥി-വിദ്യാർഥിനികൾക്ക് അൽ മദ്റസത്തുൽ ഇസ്‌ലാമിയ ഫഹാഹീൽ ബ്രാഞ്ച് യാത്രയയപ്പ് സംഘടിപ്പിച്ചു.
ഖുർആൻ സ്‌റ്റഡി സെന്റർ കൺവീനർ നിയാസ് ഇസ്‌ലാഹി മുഖ്യ പ്രഭാഷണം നടത്തി. കുട്ടികൾക്കുള്ള സർട്ടിഫിക്കറ്റുകൾ കെ.ഐ.ജി അബൂഹലീഫ ഏരിയ പ്രസിഡന്‍റ് അബ്‌ദുൽ ബാസിത്, ഫഹാഹീൽ ഏരിയ പ്രസിഡന്‍റ് സാബിഖ് യൂസുഫ്, ഡോ. സാദിഖ് എന്നിവർ വിതരണം നടത്തി. പരിപാടിയിൽ കുട്ടികൾക്ക് പുറമെ രക്ഷിതാക്കളും അധ്യാപകരും പി.ടി.എ പ്രതിനിധികളും മാനേജ്മെൻറ് കമ്മിറ്റി അംഗങ്ങളും പങ്കെടുത്തു. ഇഫ്‌താറോടെ സമാപിച്ചു.
ഫഹാഹീൽ യൂനിറ്റി സെന്‍ററിൽ നടന്ന പരിപാടിയിൽ മദ്റസ പ്രിൻസിപ്പൽ എം.കെ. നജീബ് അധ്യക്ഷത വഹിച്ചു. വൈസ് പ്രിൻസിപ്പൽ എ.സി. മുഹമ്മദ് സാജിദ് സ്വാഗതം പറഞ്ഞു. ഫിസാൻ അബ്‌ദുൽ ഖാദർ ഖുർആൻ പാരായണം നടത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.