കുവൈത്ത് സിറ്റി: മസാജ് പാർലറിൽ അനാശാസ്യപ്രവർത്തനം നടത്തിയ ആറു പേരെ അറസ്റ്റ് ചെയ്തു. ഏഷ്യൻ സ്വദേശികളായ പുരുഷന്മാരാണ് പിടിയിലായത്. പ്രതികൾ പണം ഈടാക്കി പൊതു ധാർമികതക്ക് വിരുദ്ധമായ പ്രവർത്തനങ്ങളിൽ ഏർപ്പെട്ടിരുന്നതായി അധികൃതർ വ്യക്തമാക്കി.
രാജ്യത്ത് പൊതു ധാർമികതക്ക് നിരക്കാത്ത പ്രവർത്തനങ്ങളിൽ ഏർപ്പെടുന്നവർക്കെതിരെ ശക്തമായി നടപടികൾ സ്വീകരിക്കുമെന്ന് അധികൃതർ മുന്നറിയിപ്പു നൽകി. പിടികൂടിയ പ്രതികളെ നിയമനടപടികൾക്കായി ബന്ധപ്പെട്ട അധികാരികൾക്ക് കൈമാറി. ഇത്തരക്കാരെ പിടികൂടുന്നതിനായി ജനറൽ ഡിപ്പാർട്മെന്റ് ഓഫ് ക്രിമിനൽ ഇൻവെസ്റ്റിഗേഷൻ, പബ്ലിക് മോറൽസ് പ്രൊട്ടക്ഷൻ ഡിപ്പാർട്മെന്റ് എന്നിവ തുടർച്ചയായ പരിശോധനകൾ നടത്തിവരുന്നുണ്ട്. കഴിഞ്ഞയാഴ്ച ഇത്തരം പ്രവർത്തനങ്ങളിൽ ഏർപ്പെട്ട നിരവധി പേരെ പിടികൂടിയിരുന്നു. സമൂഹമാധ്യമം വഴിയാണ് പലരും ഇടപാടുകാരെ കണ്ടെത്തുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.