തൊ​ഴി​ൽ വി​പ​ണി​യി​ൽ ഇ​ന്ത്യ​ൻ ക​രു​ത്ത്

കു​വൈ​ത്ത് സി​റ്റി: രാ​ജ്യ​ത്തെ തൊ​ഴി​ല്‍ മേ​ഖ​ല​യെ മു​ന്നോ​ട്ടു​ന​യി​ക്കു​ന്ന​ത് ഇ​ന്ത്യ​ക്കാ​ർ. സെ​ന്‍ട്ര​ല്‍ ഡി​പ്പാ​ർ​ട്മെ​ന്റ് ഓ​ഫ് സ്റ്റാ​റ്റി​സ്റ്റി​ക്സ് ന​ട​ത്തി​യ സ​ര്‍വേ റി​പ്പോ​ര്‍ട്ടി​ലാ​ണ് പു​തി​യ ക​ണ​ക്കു​ക​ള്‍. ഈ​ജി​പ്തു​കാ​രാ​ണ് ര​ണ്ടാം സ്ഥാ​ന​ത്ത്. മൂ​ന്നാം സ്ഥാ​ന​ത്താ​ണ് കു​വൈ​ത്തി പൗ​ര​ന്മാ​ർ. കു​വൈ​ത്തി​ല്‍ സ​ർ​ക്കാ​ർ, സ്വ​കാ​ര്യ സ്ഥാ​പ​ന​ങ്ങ​ളി​ലാ​യി 19,70,719 തൊ​ഴി​ലാ​ളി​ക​ളാ​ണ് ജോ​ലി ചെ​യ്യു​ന്ന​ത്. ഇ​തി​ല്‍ 24.1 ശ​ത​മാ​ന​വും ഇ​ന്ത്യ​ക്കാ​രാ​ണ്.

23.6 ശ​ത​മാ​ന​വു​മാ​യി ഈ​ജി​പ്ഷ്യ​ൻ തൊ​ഴി​ലാ​ളി​ക​ളും 22.2 ശ​ത​മാ​ന​വു​മാ​യി കു​വൈ​ത്തി​ക​ളു​മാ​ണ് ര​ണ്ടും മൂ​ന്നും സ്ഥാ​ന​ങ്ങ​ളി​ലു​ള്ള​ത്. നി​ല​വി​ല്‍ 4,76,335 ഇ​ന്ത്യ​ൻ തൊ​ഴി​ലാ​ളി​ക​ളാ​ണ് രാ​ജ്യ​ത്ത്‌ ജോ​ലി ചെ​യ്യു​ന്ന​ത്. കു​ടും​ബ​ത്തോ​ടൊ​പ്പം താ​മ​സി​ക്കാ​നും ഗാ​ർ​ഹി​ക ജോ​ലി​ക്കാ​യും എ​ത്തി​യ​വ​രെ ഒ​ഴി​വാ​ക്കി​യു​ള്ള ക​ണ​ക്കാ​ണി​ത്. നേ​ര​ത്തേ​യും പ​ട്ടി​ക​യി​ൽ ഇ​ന്ത്യ​ക്കാ​ർ ത​ന്നെ​യാ​യി​രു​ന്നു മു​​ന്നി​ൽ.

120ഓ​ളം രാ​ജ്യ​ങ്ങ​ളി​ലെ പൗ​ര​ന്മാ​ർ കു​വൈ​ത്തി​ൽ താ​മ​സി​ക്കു​ന്നു​ണ്ടെ​ങ്കി​ലും ഇ​ന്ത്യ, ഈ​ജി​പ്ത്, ഫി​ലി​പ്പീ​ൻ​സ്, ബം​ഗ്ലാ​ദേ​ശ്, സി​റി​യ, പാ​കി​സ്താ​ൻ, ശ്രീ​ല​ങ്ക എ​ന്നീ ഏ​ഴു രാ​ജ്യ​ങ്ങ​ളി​ൽ നി​ന്നു​ള്ള​വ​രാ​ണ് വി​ദേ​ശി സാ​ന്നി​ധ്യ​ത്തി​ന്റെ 90 ശ​ത​മാ​ന​വും. വി​ദേ​ശി​ക​ളു​ടെ എ​ണ്ണം കു​റ​ക്കാ​നും സ്വ​ദേ​ശി​വ​ത്ക​ര​ണം കൂ​ടു​ത​ൽ കാ​ര്യ​ക്ഷ​മ​മാ​ക്കാ​നു​മു​ള്ള ന​ട​പ​ടി​ക​ൾ സ​ര്‍ക്കാ​ര്‍ സ്വീ​ക​രി​ച്ചു​വ​രു​ന്നു​ണ്ട്.

കോ​ഓ​പ​റേ​റ്റി​വ് മേ​ഖ​ല പൂ​ർ​ണ​മാ​യും സ്വ​ദേ​ശി​വ​ത്ക​ര​ണ ഘ​ട്ട​ത്തി​ലാ​ണ്. വി​ദ്യാ​ഭ്യാ​സ മേ​ഖ​ല​യി​ലും സ്വ​ദേ​ശി​വ​ത്ക​ര​ണം വൈ​കാ​തെ ന​ട​പ്പാ​ക്കും. സ്വ​കാ​ര്യ​മേ​ഖ​ല​യി​ൽ സ്വ​ദേ​ശി​ക​ൾ​ക്കു​ള്ള സം​വ​ര​ണ തോ​ത് വ​ർ​ധി​പ്പി​ക്കു​ന്ന​തി​നു​ള്ള നി​ർ​ദേ​ശ​വും സി​വി​ൽ സ​ർ​വി​സ് ക​മീ​ഷ​ൻ പ​രി​ഗ​ണ​ന​യി​ലു​ണ്ട്.

പ്ര​വാ​സി​ക​ളു​ടെ എ​ണ്ണ​ത്തി​ലും ഇ​ന്ത്യ​ക്കാ​ർ

കു​വൈ​ത്ത് സി​റ്റി: രാ​ജ്യ​ത്തെ കു​വൈ​ത്തി പ്ര​വാ​സി​ക​ളു​ടെ എ​ണ്ണ​ത്തി​ലും ഇ​ന്ത്യ​ക്കാ​ർ മു​ന്നി​ൽ. 29.5 ല​ക്ഷം വി​ദേ​ശി​ക​ളി​ൽ 10 ല​ക്ഷ​ത്തി​ലേ​റെ പേ​ര്‍ ഇ​ന്ത്യ​ക്കാ​രാ​ണ്. സി​വി​ല്‍ ഇ​ന്‍ഫ​ര്‍മേ​ഷ​ന്‍ ക​ഴി​ഞ്ഞ വ​ർ​ഷം അ​വ​സാ​നം പു​റ​ത്തി​റ​ക്കി​യ ക​ണ​ക്കി​ലാ​ണ് വി​വ​ര​ങ്ങ​ൾ. ഇ​ന്ത്യ​ക്കാ​രി​ൽ വ​ലി​യൊ​രു വി​ഭാ​ഗം മ​ല​യാ​ളി​ക​ളാ​ണ്.

സി​വി​ല്‍ ഇ​ന്‍ഫ​ര്‍മേ​ഷ​ന്‍ റി​പ്പോ​ർ​ട്ട് പ്ര​കാ​രം 44,64,000 ആ​ണ് കു​വൈ​ത്തി​ലെ മൊ​ത്തം ജ​ന​സം​ഖ്യ. ഇ​തി​ല്‍ 15 ല​ക്ഷം സ്വ​ദേ​ശി​ക​ളും 29.5 ല​ക്ഷം വി​ദേ​ശി​ക​ളു​മാ​ണ്. 35 ശ​ത​മാ​നം സ്വ​ദേ​ശി​ക​ളും 65 ശ​ത​മാ​നം വി​ദേ​ശി​ക​ളും എ​ന്ന​താ​ണ് ജ​ന​സം​ഖ്യ​യി​ലെ അ​നു​പാ​തം.

ക​ഴി​ഞ്ഞ ര​ണ്ടു വ​ര്‍ഷം വി​ദേ​ശി ജ​ന​സം​ഖ്യ​യി​ല്‍ കു​റ​വ് വ​ന്നെ​ങ്കി​ലും വി​ദേ​ശി​ക​ൾ ഭൂ​രി​പ​ക്ഷം നി​ല​നി​ർ​ത്തു​ന്നു. അ​തേ​സ​മ​യം, സ്വ​ദേ​ശി​ക​ളു​ടെ എ​ണ്ണ​ത്തി​ല്‍ നേ​രി​യ വ​ര്‍ധ​ന ഉ​ണ്ടാ​യ​താ​യും ക​ണ​ക്കു​ക​ൾ കാ​ണി​ക്കു​ന്നു. ഫ​ർ​വാ​നി​യ ഗ​വ​ർ​ണ​റേ​റ്റി​ലാ​ണ് രാ​ജ്യ​ത്തെ ഏ​റ്റ​വും ജ​ന​സാ​ന്ദ്ര​ത. സ്വ​ദേ​ശി​ക​ളും പ്ര​വാ​സി​ക​ളു​മാ​യി 11 ല​ക്ഷ​ത്തി​ലേ​റെ പേ​ര്‍ ഇ​വി​ടെ താ​മ​സി​ക്കു​ന്ന​താ​യി സി​വി​ല്‍ ഇ​ന്‍ഫ​ര്‍മേ​ഷ​ന്‍ വ്യ​ക്ത​മാ​ക്കു​ന്നു. ജ​ന​സാ​ന്ദ്ര​ത​യി​ൽ അ​ഹ​മ്മ​ദി ഗ​വ​ർ​ണ​റേ​റ്റ് ര​ണ്ടാം സ്ഥാ​ന​ത്തും ഹ​വ​ല്ലി മൂ​ന്നാ​മ​തു​മാ​ണ്.