വിദേശകാര്യമന്ത്രി അബ്ദുല്ല അൽ യഹ്‍യ ഖത്തർ പ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിൻ അബ്ദുൽറഹ്മാൻ ആൽഥാനിയുമായി കൂടിക്കാഴ്ചയിൽ
കുവൈത്ത് സിറ്റി: ഡിസംബർ ഒന്നിന് കുവൈത്തിൽ നടക്കുന്ന ജി.സി.സി ഉച്ചകോടിയിൽ ജി.സി.സി രാഷ്ട്രത്തലവന്മാർ പങ്കെടുക്കും. ഉച്ചകോടിയിലേക്കുള്ള അമീർ ശൈഖ് മിശ്അൽ അഹ്മദ് അൽ ജാബർ അസ്സബാഹിന്റെ ക്ഷണം വിദേശകാര്യമന്ത്രി അബ്ദുല്ല അൽ യഹ്‍യ വിവിധ രാഷ്ട്രത്തലവൻമാർക്ക് കൈമാറി.
ഒമാൻ സുൽത്താൻ ഹൈതം ബിൻ താരിഖിനുള്ള ക്ഷണം വിദേശകാര്യ മന്ത്രി സയ്യിദ് ബദർ ബിൻ ഹമദ് അൽ ബുസൈദി എറ്റുവാങ്ങി. കൂടിക്കാഴ്ചക്കിടെ ഇരുരാജ്യങ്ങൾ തമ്മിലുള്ള ബന്ധവും വിവിധ മേഖലകളിൽ അവ പ്രോത്സാഹിപ്പിക്കുന്നതിനുള്ള മാർഗങ്ങളും മന്ത്രിമാർ അവലോകനം ചെയ്തു.
പൊതുവായ താൽപര്യമുള്ള പ്രാദേശികവും അന്തർദേശീയവുമായ വിഷയങ്ങളും ചർച്ച ചെയ്തു. ഖത്തർ അമീർ ശൈഖ് തമീം ബിൻ ഹമദ് ആൽഥാനിക്കുള്ള ക്ഷണം വിദേശകാര്യമന്ത്രി അബ്ദുല്ല അൽ യഹ്‍യ ഖത്തർ ഡെപ്യൂട്ടി അമീർ ശൈഖ് അബ്ദുല്ല ബിൻ ഹമദ് ആൽഥാനിക്ക് കൈമാറി. ഖത്തർ പ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിൻ അബ്ദുൽറഹ്മാൻ ആൽഥാനിയുമായും അബ്ദുല്ല അൽ യഹ്‍യ കൂടിക്കാഴ്ച നടത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.