കുറ്റവിചാരണക്ക് മറുപടി പറയുന്ന ആഭ്യന്തര മന്ത്രി അനസ് അൽ സാലിഹ്
കുവൈത്ത് സിറ്റി: കുവൈത്ത് ആഭ്യന്തര മന്ത്രിയും ഉപപ്രധാനമന്ത്രിയുമായ അനസ് അൽ സാലിഹിനെതിരെ പാർലമെൻറിൽ അവിശ്വാസ പ്രമേയം സമർപ്പിച്ചു.ശുെഎബ് അൽ മുവൈസിരി സമർപ്പിച്ച കുറ്റവിചാരണ ചൊവ്വാഴ്ച ചർച്ച ചെയ്തതിനൊടുവിലാണ് 10 എം.പിമാർ ഒപ്പിട്ട അവിശ്വാസ പ്രമേയം സമർപ്പിച്ചത്. ആഗസ്റ്റ് നാലിന് സമർപ്പിക്കപ്പെട്ട കുറ്റവിചാരണ നേരത്തേ നീട്ടിവെക്കുകയായിരുന്നു. അവിശ്വാസ പ്രമേയം ആഗസ്റ്റ് 26ന് വോട്ടിനിടും. അവിശ്വാസ പ്രമേയം പാസായാൽ മന്ത്രിക്ക് സ്ഥാനനഷ്ടമുണ്ടാവും.കഴിഞ്ഞയാഴ്ച ധനമന്ത്രി ബർറാക് അൽ ഷിത്താനെതിരെ സമർപ്പിക്കപ്പെട്ട അവിശ്വാസപ്രമേയം വിജയിച്ചില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.