കുവൈത്ത് സിറ്റി: ജീവനക്കാരുടെ അക്കാദമിക് സർട്ടിഫിക്കറ്റുകൾ പരിശോധിക്കാനുള്ള നടപടികൾ കുവൈത്ത് തുറമുഖ അതോറിറ്റി ആരംഭിച്ചു. പൗരന്മാർക്കും താമസക്കാർക്കും ഇത് ബാധകമാകും.
2000 ജനുവരി മുതൽ വിദേശത്തുനിന്ന് ഡിപ്ലോമ, ബിരുദം, ബിരുദാനന്തര ബിരുദം അല്ലെങ്കിൽ ഡോക്ടറൽ ബിരുദങ്ങൾ പോലുള്ള പോസ്റ്റ്-സെക്കൻഡറി യോഗ്യതകൾ നേടിയിട്ടുള്ള എല്ലാ ജീവനക്കാരും ഉന്നത വിദ്യാഭ്യാസ അതോറിറ്റി നൽകുന്ന തുല്യത സർട്ടിഫിക്കറ്റിന്റെ സാക്ഷ്യപ്പെടുത്തിയ പകർപ്പിനൊപ്പം അക്കാദമിക് യോഗ്യതകളുടെ ഫോട്ടോകോപ്പി സമർപ്പിക്കണം.രേഖകൾ അവരുടെ ഔദ്യോഗിക സ്ഥാപന ഇ-മെയിൽ വഴി അയക്കണം. എല്ലാ തൊഴിലാളികളും മൂന്നാഴ്ചക്കകം രേഖകൾ സമർപ്പിക്കണം. അല്ലാത്തവർ മറ്റു നടപടികൾ നേരിടേണ്ടിവരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.