ലുലു ഹൈപ്പർ മാർക്കറ്റ് ഓണാഘോഷം അൽറായി ഔട്ട്‍ലറ്റിൽ ലുലു കുവൈത്ത് ഡയറക്ടർ
മുഹമ്മദ് ഹാരിസ് ഉദ്ഘാടനം ചെയ്യുന്നു
കുവൈത്ത് സിറ്റി: മത്സരങ്ങളും കലാപ്രകടനങ്ങളും ഒരുക്കി ലുലു ഹൈപ്പർ മാർക്കറ്റ് ഓണത്തെ വരവേറ്റു. ഓണാഘോഷ ഭാഗമായി ലുലു ഹൈപ്പർ മാർക്കറ്റ് അൽറായി ഔട്ട്‍ലറ്റിൽ വിവിധങ്ങളായ പരിപാടികൾ സംഘടിപ്പിച്ചു. ലുലു കുവൈത്ത് ഉന്നത മാനേജ്‌മെന്റ് പ്രതിനിധികൾ ആഘോഷങ്ങൾ ഉദ്ഘാടനം ചെയ്തു.
ചെണ്ടമേളം, പരമ്പരാഗത പുലികളി, നൃത്തപ്രകടനങ്ങൾ എന്നിവ ആഘോഷത്തിന്റെ മാറ്റുകൂട്ടി. പൂക്കള മത്സരമായിരുന്നു പ്രധാന ആകർഷണങ്ങളിലൊന്ന്. 15ലധികം ടീമുകൾ മത്സരത്തിൽ പങ്കെടുത്തു. വ്യത്യസ്ത രൂപത്തിലും നിറങ്ങളിലുമുള്ള പൂക്കളങ്ങൾ പ്രദർശിപ്പിച്ചത് കാണാനും നിരവധി പേരെത്തി.
പൂക്കളമത്സരം സമ്മാനജേതാക്കൾ
പൂക്കളമത്സരത്തിൽ ഒന്നാം സമ്മാനം നേടിയ വിജയികൾക്ക് 100 ദീനാറിന്റെ ഗിഫ്റ്റ് വൗച്ചറും രണ്ടാം സമ്മാനത്തിന് ആകർഷകമായ 75 ദീനാറിന്റെ ഗിഫ്റ്റ് വൗച്ചറും മൂന്നാം സമ്മാനത്തിന് 50 ദീനാറിന്റെ സമ്മാനവും ലഭിച്ചു. പങ്കെടുത്ത എല്ലാ ടീമിനും പ്രോത്സാഹന സമ്മാനങ്ങളും നൽകി.
ആഘോഷഭാഗമായി ഒരുക്കിയ കലാപരിപാടി
ഓണവിഭവങ്ങൾ തയാറാക്കാൻ ആവശ്യമായ എല്ലാ ഇനങ്ങളും ഉൾക്കൊള്ളുന്ന ഓണച്ചന്ത ലുലു ഹൈപ്പർ മാർക്കറ്റിന്റെ എല്ലാ ഔട്ട്‍ലറ്റുകളിലും ആരംഭിച്ചിട്ടുണ്ട്. തനത് കേരളീയ രുചിയിൽ 22ലധികം വിഭവങ്ങൾ ഉൾക്കൊള്ളുന്ന ഓണസദ്യയും ഒരുക്കിയിട്ടുണ്ട്. വൈവിധ്യമായ പായസങ്ങൾ ഉൾക്കൊള്ളുന്ന പായസമേളയും ഉപഭോക്താക്കൾക്കായി കാത്തിരിക്കുന്നു.
ഓണത്തിന് ഉടുത്തൊരുങ്ങാൻ സാരിയും ചുരിദാറുകളും ഉൾപ്പെടെയുള്ള ഓണം സ്‌പെഷൽ വസ്ത്രങ്ങളും പ്രത്യേക ഡിസ്‌കൗണ്ടുകളിൽ ലഭ്യമാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.