അണ്ടർ 15 വിഭാഗത്തിൽ ജേതാക്കളായ ലോർഡ്സ് അക്കാദമി
കുവൈത്ത് സിറ്റി: മഞ്ഞപ്പട കുവൈത്ത് വിങ് സംഘടിപ്പിച്ച ഫുട്ബാൾ ടൂർണമെന്റിൽ അണ്ടർ 18 വിഭാഗത്തിൽ മഞ്ഞപ്പട എഫ്.സി അണ്ടർ 15 വിഭാഗത്തിൽ ലോർഡ്സ് അക്കാദമിയും ജേതാക്കളായി.
ഇന്ത്യൻ ഇന്റർനാഷനൽ സ്കൂൾ മംഗഫ് ഇരു വിഭാഗങ്ങളിലും രണ്ടാം സ്ഥാനം കരസ്ഥമാക്കി. ഗൾഫ് ഇന്ത്യൻ സ്കൂൾ ഫഹഹീൽ അണ്ടർ 18 വിഭാഗത്തിലും, അണ്ടർ 15 വിഭാഗത്തിൽ യുനൈറ്റഡ് ഇന്ത്യൻ സ്കൂളും മൂന്നാം സ്ഥാനം കരസ്ഥമാക്കി.
അണ്ടർ 18 വിഭാഗത്തിൽ ജേതാക്കളായ മഞ്ഞപ്പട എഫ്.സി
അണ്ടർ 18 വിഭാഗത്തിൽ ഗൾഫ് ഇന്ത്യൻ സ്കൂളിന്റെ ഫഹദ് മികച്ച കളിക്കാരനായി. മികച്ച ഗോൾകീപ്പറായി മഞ്ഞപ്പട എഫ്.സിയുടെ അലനും കൂടുതൽ ഗോൾ നേടിയ താരമായി മഞ്ഞപ്പട എഫ്.സിയുടെ ആൽബിനും തെരഞ്ഞെടുക്കപ്പെട്ടു. അണ്ടർ 15 വിഭാഗത്തിൽ മികച്ച താരമായി ലോഡ്സ് അക്കാദമിയുടെ ആരോൺ, മികച്ച ഗോൾ കീപ്പറായി ലോഡ്സ് അക്കാദമിയുടെ അസ്‌ടൺ, കൂടുതൽ ഗോൾ നേടിയ താരമായി ഇന്ത്യൻ സെൻട്രൽ സ്കൂളിന്റെ ഫർകാൻ ഖാൻ എന്നിവർ തെരഞ്ഞെടുക്കപ്പെട്ടു.
കുവൈത്ത് നാഷനൽ പെട്രോളിയം കമ്പനി താരങ്ങളായ സൗദ് അൽ ഹജ്‌റിയും, അലി അൽ-ഫയെസും ചേർന്ന് ടൂർണമെന്റ് ഉദ്ഘാടനം ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.