എം.എം സുബൈറിന് എം.ഇ.എസ് കുവൈത്തിന്റെ ഉപഹാരം കൈമാറുന്നു
കുവൈത്ത് സിറ്റി: എം.ഇ.എസ് കുവൈത്ത് മുതിർന്ന അംഗം എം.എം സുബൈറിന് എം.ഇ.എസ് കുവൈത്ത് കമ്മിറ്റി യാത്രയയപ്പ് നൽകി. എം.ഇ.എസിന്റെ ആദ്യകാല കമ്പ്യൂട്ടർ കോഴ്സ് മുതൽ മെഡിക്കൽ ക്യാമ്പ്, വാർഷിക പ്രോഗ്രാം, ചാരിറ്റി പ്രവർത്തനങ്ങൾ എല്ലാത്തിലും എം.എം സുബൈർ മുൻനിരയിൽ ഉണ്ടായിരുന്നു. അദ്ദേഹത്തിന്റെ പ്രവർത്തന ശൈലിയും മികവും അനുകരണീയമാണെന്ന് അധ്യക്ഷ പ്രസംഗത്തിൽ വൈസ് പ്രസിഡന്റ്‌ ഖലീൽ അടൂർ ചൂണ്ടിക്കാട്ടി. ജനറൽ സെക്രട്ടറി അഷ്‌റഫ്‌ അയ്യൂർ സ്വാഗത പ്രസംഗം നടത്തി. മുൻ ജനറൽ സെക്രട്ടറി സിദ്ദിഖ് വലിയകത്ത്, ട്രഷറർ പി.ടി. അഷ്‌റഫ്‌, ഡോ.അമീർ, സിദ്ദിഖ് മദനി, എക്സിക്യൂട്ടീവ് മെംബർമാരായ അബ്ദുൽ ഗഫൂർ, ജസീൻ ജബ്ബാർ, പി.പി.കെ.മുജീബ്,റമീസ് ബാത്ത,ഫിറോസ് കുളങ്ങര,നൗഫൽ എ.വി,ഷഹീർ ഇ.പി എന്നിവർ ആശംസകൾ നേർന്നു. റയീസ് ബാത്ത ക്വിറാഅത്ത് അവതരിപ്പിച്ചു. എം.എം സുബൈറിന് എം.ഇ.എസ് കുവൈത്തിന്റെ സ്നേഹോപഹാരം കൈമാറി. എം.ഇ. എസിന്റെ പിന്തുണകൾക്ക് എം.എം സുബൈർ നന്ദി പറഞ്ഞു. പി.ടി.അഷ്‌റഫ്‌ നന്ദി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.