അമീർ ശൈഖ് മിശ്അൽ അൽ അഹമ്മദ് അൽ ജാബിർ അസ്സബാഹ്
കുവൈത്ത് സിറ്റി: അധികാരമേറ്റ അമീർ ശൈഖ് മിശ്അൽ അൽ അഹമ്മദ് അൽ ജാബിർ അസ്സബാഹിനെ അഭിനന്ദിച്ച് ഓർഗനൈസേഷൻ ഓഫ് ഇസ്‌ലാമിക് കോർപറേഷൻ സെക്രട്ടറി(ഒ.ഐ.സി) ജനറൽ ഹുസൈൻ ബ്രാഹിം താഹ. കുവൈത്തിന്റെ പുരോഗതിയും വികസനവും തുടരുന്നതിൽ അമീർ വിജയിക്കട്ടെയെന്ന് ഒ.ഐ.സി സെക്രട്ടറി ജനറൽ സന്ദേശത്തിൽ ആശംസിച്ചു. അമീറിന് നല്ല ആരോഗ്യവും നേർന്നു. ആശംസകൾക്ക് നന്ദി അറിയിച്ചും നല്ല ആരോഗ്യം നേർന്നും അമീർ മറുപടി സന്ദേശം അയച്ചു.
കൊമോറോസ് പ്രസിഡന്റ് അസാലി അസ്സൗമാനിയും അമീറിന് അഭിനന്ദനം അറിയിച്ച് സന്ദേശം അയച്ചു. ഹൃദയംഗമമായ വികാരങ്ങൾക്ക് അങ്ങേയറ്റം അഭിനന്ദനം അറിയിച്ചുകൊണ്ട് അമീർ മറുപടി അയച്ചു. അധികാരമേറ്റ സന്ദർഭത്തിൽ ആശംസ അറിയിച്ച് സന്ദേശമയച്ച ഒമാൻ ഭരണാധികാരി സുൽത്താൻ ഹൈതം ബിൻ താരിഖിനും അമീർ നന്ദി അറിയിച്ചു. സുൽത്താന് അഗാധമായ നന്ദിയും അഭിനന്ദനവും അറിയിച്ച അമീർ ഇരു രാജ്യങ്ങളും സഹോദര ജനങ്ങളും തമ്മിലുള്ള ശക്തമായ ചരിത്രപരവും സാഹോദര്യവുമായ ബന്ധത്തെ പ്രശംസിക്കുകയും ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.