ആ​ർ​പ്പു​വി​ളി​യും ഊ​ഞ്ഞാ​ലു​മി​ല്ലാ​ത്ത ഓ​ണം

ഓ​ർ​മ​യി​ലെ ഓ​ണ​ത്തി​ന് നാ​ട്ടു​​ഗ്രാ​മ​ത്തി​ന്റെ ഭം​ഗി​യാ​ണ്. കൊ​യ്ത്തു​പാ​ട്ടി​ന്റെ ഈ​ണം അ​ല​യ​ടി​ച്ച വ​യ​ലേ​ല​ക​ളി​​ലെ കാ​ഴ്ച​ക​ളി​ൽ​നി​ന്നാ​ണ് അ​തി​ന്റെ തു​ട​ക്കം. നെ​ൽ​ക്ക​തി​ര​ണി​ഞ്ഞ ക​റ്റ​ക​ൾ ത​ല​ച്ചു​മ​ടാ​ക്കി കൊ​ണ്ടി​ട്ട് ആ ​നെ​ല്ല് പു​ഴു​ങ്ങി​യു​ണ​ക്കി ഉ​ര​ലി​ൽ കു​ത്തി​യെ​ടു​ത്ത് അ​രി​യാ​ക്കി​യാ​ണ് പ​ണ്ട് ചോ​റൊ​രു​ക്കി​യി​രു​ന്ന​ത്. മു​ത്ത​ശ്ശി​മാ​ർ വാ​ഴ​യി​ല​ക​ളി​ൽ മ​ര​ച്ചീ​നി മ​ഞ്ഞ​ളി​ട്ട് വാ​ട്ടി​യെ​ടു​ത്ത് ഉ​ണ്ടാ​ക്കി​യ വ​റ്റ​ലും ഓ​ണ​ത്തു​മ്പി​ക​ളും മാ​ണി​ക്യ​ച്ചെ​മ്പ​ഴു​ക്ക​യും തി​രു​വാ​തി​ര​ക്ക​ളി​യും ഊ​ഞ്ഞാ​ലും ആ​ർ​പ്പു​വി​ളി​ക​ളും എ​ല്ലാം ഇ​തി​ന്റെ പ​ശ്ചാ​ത്ത​ല​ത്തി​ൽ ഉ​ണ്ടാ​കും.

ചി​ങ്ങ​മാ​സം പു​ല​ർ​ന്നാ​ൽ നാ​ട്ടി​ൽ ഓ​ണ​ത്തെ വ​ര​വേ​ൽ​ക്കാ​നു​ള്ള ഒ​രു​ക്കം തു​ട​ങ്ങും.കു​ട്ടി​ക​ൾ പ​റ​മ്പു​ക​ളി​ൽ നാ​ട​ൻ പ​ന്തു​ക​ളി​യി​ലും ക​ബ​ഡി​യി​ലും മു​ഴു​കു​മ്പോ​ൾ പെ​ൺ​കു​ട്ടി​ക​ൾ മാ​ണി​ക്യ​ച്ചെ​മ്പ​ഴു​ക്ക ക​ളി​യി​ലും തി​രു​വാ​തി​ര ക​ളി​ക​ളി​ലും മു​ഴു​കും; മു​തി​ർ​ന്ന​വ​ർ ക​വു​ങ്ങി​ലും പ്ലാ​വി​ൻ കൊ​മ്പു​ക​ളി​ലും പ്ലാ​ച്ചി​വ​ള്ളി​കൊ​ണ്ട് ഊ​ഞ്ഞാ​ൽ കെ​ട്ടി​യും. അ​തി​ൽ ഞ​ങ്ങ​ൾ മ​തി​യാ​വോ​ളം ആ​ടി​ത്തി​മി​ർ​ക്കും.

അ​ത്ത​മാ​യാ​ൽ പൂ​ക്ക​ള​മൊ​രു​ക്കാ​നു​ള്ള പൂ ​പ​റി​ക്കാ​ൻ കു​ട്ടി​ക​ൾ ഒ​രു​മി​ച്ചാ​ണ് പോ​വു​ക. കാ​ശി​ത്തു​മ്പ​യും തെ​റ്റി​യും വാ​ടാ​മു​ല്ല​യും തു​ള​സി​യി​ല​യും ചെ​മ്പ​ര​ത്തി​പ്പൂ​വും എ​ല്ലാം ഒ​രു​മി​ച്ചു ശേ​ഖ​രി​ച്ച് പ​ങ്കി​ടും. പു​ല​ർ​ച്ച പു​റ​ത്തി​റ​ങ്ങു​മ്പോ​ൾ അ​യ​ൽ​വീ​ടു​ക​ളി​ലെ മു​റ്റ​ങ്ങ​ളി​ൽ ആ ​പൂ​ക്ക​ൾ മ​നോ​ഹ​ര​മാ​യ പൂ​ക്ക​ള​ങ്ങ​ളാ​യി കാ​ണാം.

തി​രു​വോ​ണ​ത്തി​ന് വീ​ടു​ക​ളി​ൽ ഒ​രു​മി​ച്ചി​രു​ന്നു​ള്ള ഭ​ക്ഷ​ണം ക​ഴി​ക്ക​ൽ, വി​വി​ധ​യി​നം ക​ളി​ക​ളി​ൽ മു​ഴു​ക​ൽ, വി​രു​ന്നു വ​രു​ന്ന​വ​രും പോ​കു​ന്ന​വ​രും... എ​വി​ടെ​യും ഓ​ണ​ത്തി​ന്റെ ആ​ർ​പ്പു​വി​ളി​ക​ളും ആ​ഘോ​ഷ​ങ്ങ​ളും മാ​ത്ര​മാ​കും അ​ന്ന്.

ഇ​ന്ന് പ്ര​വാ​സ ലോ​ക​ത്തി​രി​ക്കു​മ്പോ​ൾ, ഓ​ണം റെ​ഡി​മെ​യ്ഡ് വ​സ്തു​ക്ക​ളു​ടേ​താ​ണ്. അ​ത്ത​പ്പൂ​വു​വ​രെ വി​വി​ധ​യി​നം ക​ള​ർ വി​ത​റി​യ ഉ​പ്പി​ലേ​ക്ക് മാ​റി. പ​ഴ​യ ക​ളി​ക​ളും പാ​ച​ക​വു​മി​ല്ല. ഓ​ണ​സ​ദ്യ വ​രെ കേ​റ്റ​റി​ങ്ങു​കാ​രെ ചു​മ​ത​ല​പ്പെ​ടു​ത്തു​ന്നു. പാ​യ​സ​വും ഇ​ല​യും വ​രെ റെ​ഡി​മെ​യ്ഡാ​യി.

നാ​ടും മാ​റി​യി​രി​ക്കു​ന്നു എ​ന്നും തി​രി​ച്ച​റി​യു​ന്നു. ഇ​ന്ന് പ​ഴ​യ കാ​ല​ത്തെ​പ്പോ​ലെ കു​ട്ടി​ക​ളു​ടെ പ​റ​മ്പു​ക​ളി​ലെ​യും മു​റ്റ​ത്തെ​യും ക​ളി​ക​ളി​ല്ല. അ​യ​ൽ​ക്കാ​ർ ആ​രെ​ന്നു​പോ​ലും അ​റി​യാ​ത്ത അ​വ​സ്ഥ. ആ​ത്മാ​ർ​ഥ ബ​ന്ധ​ങ്ങ​ളും സൗ​ഹൃ​ദ വ​ല​യ​ങ്ങ​ളും ഇ​ല്ലാ​ത്ത അ​വ​സ്ഥ.

എ​ല്ലാ​വ​രും തി​ര​ക്കി​ലാ​ണ്; ആ​ർ​ക്കും ഒ​ന്നി​നും സ​മ​യ​മി​ല്ല. എ​ന്നാ​ൽ, എ​ല്ലാ​വ​രും വി​ര​ൽ​ത്തു​മ്പി​ലെ മൊ​ബൈ​ലി​ൽ എ​ത്ര​സ​മ​യം വേ​ണ​മെ​ങ്കി​ലും ചെ​ല​വി​ടു​ന്നു. കാ​ലം കു​റെ​ക്കൂ​ടി മു​ന്നോ​ട്ടു​പോ​യാ​ൽ പ​ഴ​യ ഓ​ണ​ത്തെ കു​റി​ച്ച് വാ​യി​ച്ചു​മാ​ത്രം അ​റി​യേ​ണ്ടി​വ​രും. അ​പ്പോ​ഴും ഒ​രു മ​ധു​ര ഓ​ർ​മ​യാ​യി കു​ട്ടി​ക്കാ​ല​ത്തെ ഓ​ണം ചി​ല​രു​ടെ​യെ​ങ്കി​ലും മ​ന​സ്സി​ൽ ബാ​ക്കി കാ​ണും.