ഏകദിന ഓൾ ഇന്ത്യ സെവൻസ് ടൂർണമെൻറിൽ ജേതാക്കളായ അൽ ഹൈതം
യു.എഫ്.സി മംഗഫ് ടീം
കുവൈത്ത് സിറ്റി: മെഡ് എക്സ് വിന്നേഴ്സ് ട്രോഫിക്കും യങ്ഷൂട്ടേഴ്സ് അബ്ബാസിയ റണ്ണേഴ്‌സ് ട്രോഫിക്കും കാഷ് പ്രൈസിനും വേണ്ടിയുള്ള ഏകദിന ഓൾ ഇന്ത്യ സെവൻസ് ടൂർണമെൻറിൽ അൽ ഹൈതം യു.എഫ്.സി മംഗഫ് ജേതാക്കളായി. ഫൈനലിൽ കരുത്തരായ ജനത ടി.എം.ടി സൈൻ എഫ്.സിയെയാണ് ടൈബ്രേക്കറിൽ പരാജയപ്പെടുത്തിയത്. കുവൈത്തിലെ 16 പ്രമുഖ ടീമുകൾ ടൂർണമെൻറിൽ പങ്കെടുത്തു. കുവൈത്ത് കെ.എം.സി.സി പ്രസിഡൻറും യങ്ഷൂട്ടേഴ്സ് അബ്ബാസിയ ഫുട്ബാൾ ക്ലബ് രക്ഷാധികാരിയുമായ ശറഫുദ്ദീൻ കണ്ണേത്ത് വിജയികൾക്ക് ട്രോഫികൾ നൽകി. ടൂർണമെൻറിലെ മികച്ച കളിക്കാരനായി അൽ ഹൈതം യു.എഫ്.സി മംഗഫിന്റെ ജോസിനെയും, ഡിഫൻഡർ ആയി ജനത ടി.എം.ടി സൈൻ എഫ്.സിയുടെ ഷബീലിനെയും തെരഞ്ഞെടുത്തു. ഏറ്റവും നല്ല ഗോൾ കീപ്പർ ദാസിത് (അൽ ഹൈതം യു.എഫ്.സി), ടോപ് സ്കോറർ ഷാകിർ (ജനത) എന്നിവർ മറ്റു പുരസ്‌കാരങ്ങൾക്ക് അർഹരായി. ഫെയർ പ്ലേ അവാർഡ് ബീച്ച് എഫ്.സി മംഗഫ് നേടി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.