സെന്‍റ് സ്റ്റീഫൻസ് ഇന്ത്യൻ ഓർത്തഡോക്സ് ഇടവക ഭവന പ്ലാൻ പ്രകാശനം ഇടുക്കി ഭദ്രാസന മെത്രാപോലീത്ത സഖറിയ മാർ സേവേറിയോസ് നിർവഹിക്കുന്നു
കുവൈത്ത് സിറ്റി: കുവൈത്ത് സെന്‍റ് സ്റ്റീഫൻസ് ഇന്ത്യൻ ഓർത്തഡോക്സ് ഇടവക ദശാബ്ദിയോടനുബന്ധിച്ച് നിർമിച്ച് നൽകുന്ന ഭവനത്തിന്‍റെ പ്ലാൻ, ഡിസൈൻ എന്നിവയുടെ പ്രകാശനം ഇടുക്കി ഭദ്രാസന മെത്രാപോലീത്ത സഖറിയ മാർ സേവേറിയോസ് ഇടവക ട്രസ്റ്റി ജെയിംസ് ജോർജിനും സെക്രട്ടറി മിനു വർഗീസിനും നൽകി നിർവഹിച്ചു. ഇടവകയുടെ ശാബ്ദിയോടനുബന്ധിച്ച് നടന്ന ചടങ്ങിലായിരുന്നു പ്രകാശനം. ഇടവക വികാരി ജോൺ ജേക്കബ് അധ്യക്ഷത വഹിച്ചു.
ഫാ.ഗീവർഗീസ് ജോൺ, റോയി യോഹന്നാൻ (നെക് സെക്രട്ടറി), പോൾ വർഗീസ് (സഭാ മാനേജിങ് കമ്മറ്റിയംഗം), ദീപക് പണിക്കർ (ഭദ്രാസന കൗൺസിൽ മെമ്പർ) എന്നിവർ ആശംസകൾ നേർന്നു. സഭാ മാനേജിങ് കമ്മിറ്റിയംഗംങ്ങളായ ഷാജി ഇലഞ്ഞിക്കൽ, തോമസ് കുരുവിള, ഭദ്രാസന കൗൺസിൽ അംഗം ഷാജി വർഗീസ്, സഹോദര ഇടവകകളിലെ ട്രസ്റ്റിമാർ, സെക്രട്ടറിമാർ എന്നിവർ സന്നിഹിതരായി. ഇടവക ട്രസ്റ്റി ജെയിംസ് ജോർജ് സ്വാഗതവും സെക്രട്ടറി മിനു വർഗീസ് നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.