വെള്ളിയാഴ്ച മഴ, ആലിപ്പഴ വീഴ്ച

കു​വൈ​ത്ത് സി​റ്റി: വെ​ള്ളി​യാ​ഴ്ച​യും രാ​ജ്യ​ത്ത് മ​ഴ​യെ​ത്തി. വൈ​കീ​ട്ടോ​ടെ എ​ത്തി​യ മ​ഴ​ക്കൊ​പ്പം പ​ല​യി​ട​ങ്ങ​ളി​ലും ആ​ലി​പ്പ​ഴ വീ​ഴ്ച​യും ഉ​ണ്ടാ​യി. വൈ​കീ​ട്ടോ​ടെ ആ​രം​ഭി​ച്ച മ​ഴ രാ​ജ്യ​ത്ത് എ​ല്ലാ ഭാ​ഗ​ങ്ങ​ളി​ലും മി​ത​മാ​യ രീ​തി​യി​ൽ പെ​യ്തു. വെ​ള്ളി​യാ​ഴ്ച പ​ക​ൽ അ​ന്ത​രീ​ക്ഷം മൂ​ടി​ക്കെ​ട്ടി​യ നി​ല​യി​ലാ​യി​രു​ന്നു. എ​പ്പോ​ൾ വേ​ണ​മെ​ങ്കി​ലും മ​ഴ എ​ത്തി​യേ​ക്കാ​മെ​ന്ന പ്ര​തീ​തി ഉ​ണ്ടാ​യി​രു​ന്നെ​ങ്കി​ലും വൈ​കീ​ട്ടോടെയാ​ണ് പെ​യ്ത​ത്. രാ​ത്രി​യും പ​ല​യി​ട​ങ്ങ​ളി​ലും മ​ഴ ഉ​ണ്ടാ​യി.ക​ഴി​ഞ്ഞ ഞാ​യ​റാ​ഴ്ച രാ​ജ്യ​ത്താ​ക​മാ​നം ശ​ക്ത​മാ​യ മ​ഴ ല​ഭ്യ​മാ​യി​രു​ന്നു. വ്യാ​ഴാ​ഴ്ച​യും മി​ത​മാ​യ തോ​തി​ൽ മ​ഴ ല​ഭി​ച്ചു. വെ​ള്ളി​യാ​ഴ്ച വൈ​കീ​ട്ടോ​ടെ ഇ​ട​ക്കി​ടെ പെ​യ്ത മ​ഴ റോ​ഡു​ക​ളി​ലും താ​ഴ്ന്ന പ്ര​ദേ​ശ​ങ്ങ​ളി​ലും ചെ​റി​യ വെ​ള്ള​ക്കെ​ട്ടി​നും കാ​ര​ണ​മാ​യി. തീ​ര​ദേ​ശ​ങ്ങ​ളി​ൽ കാ​റ്റും അ​നു​ഭ​വ​പ്പെ​ട്ടു. രാ​ത്രി കാ​ലാ​വ​സ്ഥ ത​ണു​ത്ത​തും മേ​ഘാ​വൃ​ത​വും ആ​യി​രു​ന്നു. മ​ഴ എ​ത്തി​യ​തോ​ടെ താ​പ​നി​ല​യി​ലും കു​റ​വു​ണ്ടാ​യി. പ്ര​തി​കൂ​ല കാ​ലാ​വ​സ്ഥ​യെ കു​റി​ച്ച് കാ​ലാ​വ​സ്ഥ വി​ഭാ​ഗം നേ​ര​ത്തെ മു​ന്ന​റി​യി​പ്പ് ന​ൽ​കി​യി​രു​ന്നു. വ​രും ദി​വ​സ​ങ്ങ​ളി​ലും ഇ​ട​വി​ട്ടു​ള്ള മ​ഴ​ക്ക് സാ​ധ്യ​ത​യു​ണ്ടെ​ന്ന് കാ​ലാ​വ​സ്ഥ വി​ഭാ​ഗം മു​ന്ന​റി​യി​പ്പ് ന​ൽ​കി​യി​ട്ടു​ണ്ട്.

ജ​ന​ങ്ങ​ൾ പ്ര​തി​രോ​ധ സം​വി​ധാ​ന​ങ്ങ​ൾ ഉ​പ​യോ​ഗ​പ്പെ​ടു​ത്ത​ണ​മെ​ന്നും പ്ര​ത്യേ​ക സാ​ഹ​ച​ര്യ​ത്തി​ൽ ഹോ​ട്ട്‌​ലൈ​ൻ ന​മ്പ​ർ (150) വ​ഴി ബ​ന്ധ​പ്പെ​ട​ണ​മെ​ന്നും അ​ധി​കൃ​​ത​ർ അ​റി​യി​ച്ചു. മ​ഴ​ക്കെ​ടു​തി​ക​ൾ നേ​രി​ടാ​നും കാ​ലാ​വ​സ്ഥ സ്ഥി​തി​ഗ​തി​ക​ൾ നി​രീ​ക്ഷി​ക്കു​ന്ന​തി​നും എ​മ​ർ​ജ​ൻ​സി റെ​സ്‌​പോ​ൺ​സ് ടീ​മു​ക​ൾ ജാ​ഗ്ര​ത പു​ല​ർ​ത്തു​ന്നു​ണ്ട്.