കുവൈത്ത് സിറ്റി: റമദാനിൽ പത്തുദിവസം പൊതുഅവധി നൽകണമെന്ന കരടുനിർദേശം സർക്കാർ തള്ളി. വിശ്വാസികൾക്ക് ആരാധനാകർമങ്ങളിൽ കൂടുതൽ ശ്രദ്ധിക്കാൻ റമദാനിലെ അവസാന പത്തുദിവസം ഒൗദ്യോഗിക അവധി നൽകണമെന്ന് എം.പിമാരായ അബ്ദുല്ല ഫഹദ്, മാജിദ് അൽ മുതൈരി എന്നിവരുടെ നേതൃത്വത്തിലാണ് പാർലമെൻറിൽ കരടുനിർദേശം സമർപ്പിച്ചത്. സിവിൽ സർവിസ് കമീഷനും ഫത്വ വകുപ്പും നേരത്തേ ഇൗ നിർദേശത്തെ എതിർത്തിരുന്നു. പിന്നാലെയാണ് സർക്കാറും നിർദേശത്തെ തള്ളിയത്.ആരാധനകൾക്ക് കൂടുതൽ പ്രതിഫലം ലഭിക്കുമെന്ന് വിശ്വസിക്കുന്ന സമയമാണ് റമദാനിലെ അവസാന പത്തുദിവസം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.