കുവൈത്ത് സിറ്റി: കുവൈത്തിൽ ദീർഘകാലം റസ്റ്റാറന്റ്, കഫറ്റീരിയ മേഖലകളിൽ ജോലിചെയ്യുന്ന മലയാളി ജീവനക്കാരെ പ്രവാസി വെൽഫെയർ കുവൈത്ത് ആദരിക്കും. പ്രവാസി വെൽഫെയർ കുവൈത്ത് പത്താം വാർഷികത്തോടനുബന്ധിച്ചാണ് റസ്റ്റാറന്റ്, കഫറ്റീരിയ ജീവനക്കാരെ ആദരിക്കുന്നത്.
സ്വന്തം കുടുംബത്തിന് കൈത്താങ്ങാകുന്നതോടൊപ്പം പ്രവാസികളെ അന്നമൂട്ടി തൊഴിലിലൂടെ സാമൂഹിക സേവനം കൂടി നിർവഹിക്കുന്നവരാണ് റസ്റ്റാറന്റ് മേഖലകളിൽ ജോലിചെയ്യുന്നവർ എന്നത് കണക്കിലെടുത്താണ് ആദരം. 35 വർഷത്തിലധികമായി ഈ മേഖലയിൽ ജോലിചെയ്യുന്നവർക്ക് വിവരങ്ങൾ സമർപ്പിക്കാം.
തിരഞ്ഞെടുക്കുന്നവരെ ഫെബ്രുവരി 25ന് അബ്ബാസിയ ഇന്ത്യൻ സെൻട്രൽ സ്കൂളിൽ സംഘടിപ്പിക്കുന്ന പ്രവാസി വെൽഫെയർ പത്താം വാർഷിക പൊതുസമ്മേളനത്തിൽ ആദരിക്കും. ജീവനക്കാർക്ക് സ്വന്തമായോ സുഹൃത്തുക്കൾക്കോ പേരു വിവരങ്ങൾ സമർപ്പിക്കാം.
bit.ly/pwk_honoring എന്ന ലിങ്കിലാണ് രജിസ്റ്റർ ചെയ്യേണ്ടത്. അവസാന തീയതി ഫെബ്രുവരി 23. സംഘടന മുൻവർഷങ്ങളിൽ ടാക്സി ഡ്രൈവർമാർക്കും നഴ്സുമാർക്കും ആദരവ് നൽകിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.