കുവൈത്ത് സിറ്റി: കോഴിക്കോട് ആസ്ഥാനമായി പ്രവർത്തിക്കുന്ന ശൈഖ് അബൂബക്കർ ഫൗണ്ടേഷൻ നടത്തുന്ന സ്കോളർ സ്പാർക്ക് ടാലന്‍റ് ഹണ്ട് പരീക്ഷ ഫെബ്രുവരി പത്തിന് കുവൈത്തിൽ നടക്കും. പരീക്ഷയിൽ പങ്കെടുക്കാൻ ജനുവരി 19 വരെ www.safoundation.in വഴി രജിസ്റ്റർ ചെയ്യാം. മിടുക്കരായ വിദ്യാർഥികളെ കണ്ടെത്തി ഉന്നത വിദ്യാഭ്യാസ രംഗത്ത് ഗൈഡൻസും സഹായങ്ങളും നൽകുന്നതാണ് പദ്ധതി. നിലവിൽ എട്ടാം ക്ലാസ് വിദ്യാർഥികളിൽ നിന്നാണ് അപേക്ഷ സ്വീകരിക്കുന്നത്.
ഒബ്ജക്ടീവ് ടൈപ്പ് പരീക്ഷ രണ്ടു മണിക്കൂറായിരിക്കും. എട്ടാം ക്ലാസ് സിലബസ് അനുസരിച്ചും ആർട്ടിഫിഷ്യൽ ഇന്‍റലിജൻസ്, റോബോട്ടിക് സയൻസ് എന്നിവയെ ആസ്പദമാക്കിയുമുള്ള ചോദ്യങ്ങളായിരിക്കും ഉണ്ടായിരിക്കുക. റാങ്ക് ലിസ്റ്റിൽ നിന്ന് ഇന്‍റർവ്യു നടത്തിയാണ് അർഹരായവരെ തിരഞ്ഞെടുക്കുക.
ഇവർക്ക് ബിരുദാനന്തര ബിരുദം വരെ പഠന സഹായവും ആവശ്യമായ പരിശീലനങ്ങളും നൽകും. കാന്തപുരം എ.പി. അബൂബക്കർ മുസ് ലിയാരുടെ പേരിൽ പ്രവർത്തിക്കുന്നതാണ് ശൈഖ് അബൂബക്കർ ഫൗണ്ടേഷൻ. കൂടുതൽ വിവരങ്ങൾക്ക് (+965)50479590 ബന്ധപ്പെടണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.