സിൽവർ സ്റ്റാർ സ്പോർട്ടിങ് ക്ലബ് ടീം ട്രോഫി എറ്റുവാങ്ങുന്നു
കുവൈത്ത് സിറ്റി: പ്രമുഖ ഫുട്ബാൾ ടീമായ സിൽവർ സ്റ്റാർ സ്പോർട്ടിങ് ക്ലബ് സംഘടിപ്പിച്ച അഞ്ചാമത് ‘സെവൻ എ സൈഡ് ടൂർണമെന്റ്’ കിരീടം സിൽവർ സ്റ്റാർ സ്പോർട്ടിങ് ക്ലബിന്.
ഫൈനലിൽ യങ് ഷൂട്ടേർസ് അബ്ബാസിയയെ പെനാൽറ്റി ഷൂട്ട് ഔട്ടിലൂടെ പരാജയപ്പെടുത്തിയാണ് നേട്ടം. കെഫാക്കിന്റെ കീഴിൽ നടത്തിയ ടൂർണമെന്റിൽ 15 പ്രമുഖ ടീമുകൾ പങ്കെടുത്തു. ബിഗ് ബോയ്സ് എഫ്.സി മൂന്നാം സ്ഥാനം കരസ്ഥമാക്കി. ജോതാക്കൾക്ക് സായി അപ്പുക്കുട്ടൻ, മൻസൂർ കുന്നത്തേരി, സുർജിത് കുമാർ പഞ്ചാബ് സ്റ്റീൽസ്, ലതീഫ് ഇസ്മയിൽ, ബേസിൽ അൻസാരി ഗ്രൂപ് എന്നിവർ ട്രോഫിയും സമ്മാനങ്ങളും കൈമാറി. സിൽവർ സ്റ്റാറിന്റ നിതിനാണ് ടൂർണമെന്റിലെ മികച്ച കളിക്കാരൻ.
ഗോൾ കീപ്പറായി വൈ.എസ്.എ ഫൈസൽ, ഡിഫന്ററായി ശുഹുദ്, ടോപ് സ്കോററായി സിൽവർ സ്റ്റാറിന്റെ ശ്യാം, എമെർജിങ് പ്ലയറായി ബിഗ് ബോയ്സിന്റെ മയിൻ എന്നിവർ തെരഞ്ഞെടുക്കപ്പെട്ടു. സിൽവർ സ്റ്റാർ ട്രഷറർ പ്രജീഷ് നന്ദി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.