എസ്.എം.സി.എ കുവൈത്ത് സഭാദിന- ദുഃഖ്റാന തിരുനാൾ സംഗമം
കുവൈത്ത് സിറ്റി: എസ്.എം.സി.എ കുവൈത്ത് സഭാദിന-ദുഃഖ്റാന തിരുനാൾ സംഗമം വിവിധങ്ങളായ പരിപാടികളോടെ നടത്തി. അബ്ബാസിയ ഏരിയയുടെ നേതൃത്വത്തിൽ നടത്തിയ റംശ പ്രാർഥനയോടെ ആരംഭിച്ച ആഘോഷങ്ങളിൽ സിറ്റി ഫർവാനിയ ഏരിയ സഭാഗാനവും ഫഹാഹീൽ ഏരിയ എസ്.എം.സി.എ ആന്തവും ആലപിച്ചു.
ജനറൽ സെക്രട്ടറി അഭിലാഷ് അരീക്കുഴിയിൽ സ്വാഗതം പറഞ്ഞു. പ്രസിഡൻറ് ബിജോയ് പാലക്കുന്നേൽ അധ്യക്ഷത വഹിച്ചു. താമരശ്ശേരി രൂപതാധ്യക്ഷൻ ബിഷപ് ഫാ. റെമിജിയോസ് ഇഞ്ചനാനിയിൽ തിരുനാൾ സന്ദേശം നൽകി.
വിഡിയോ ന്യൂസ് ബുള്ളറ്റിൻ പ്രകാശനം നോർത്തേൺ അറേബ്യ സിറോ മലബാർ എപ്പിസ്കോപ്പൽ വികാരി. ഫാ. ജോണി ലോണിസ് മഴുവഞ്ചേരി നിർവഹിച്ചു. എസ്.എം.വൈ.എം പ്രസിഡൻറ് നാഷ്‌ വർഗീസ്, ബാലദീപ്തി പ്രസിഡൻറ് നേഹ ജയ്‌മോൻ എന്നിവർ സംസാരിച്ചു. ട്രഷറർ സാലു പീറ്റർ നന്ദി പറഞ്ഞു.
ബാലദീപ്തി കുട്ടികൾ അവതരിപ്പിച്ച മാർഗംകളി, സംഘനൃത്തം സമൂഹഗാനം, മുതിർന്നവർ അവതരിപ്പിച്ച സുറിയാനിഗാനം, സംഘ ഭക്തിഗാനം എന്നിവ ആഘോഷങ്ങൾക്ക് മാറ്റുകൂട്ടി. ആർട്സ് കൺവീനർ അഭിനന്ദനസന്ദേശം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.