ല​ബ​നാ​നി​ലെ ആ​ക്ര​മ​ണം ഉ​ട​ൻ അ​വ​സാ​നി​പ്പി​ക്കണം- കു​വൈ​ത്ത്

കു​വൈ​ത്ത് സി​റ്റി: ല​ബ​നാ​നി​ലെ ഇ​സ്രാ​യേ​ൽ ആ​ക്ര​മ​ണ​ത്തെ അ​പ​ല​പി​ച്ച് കു​വൈ​ത്ത്. ആ​ക്ര​മ​ണം ഉ​ട​ൻ അ​വ​സാ​നി​പ്പി​ക്ക​ണം. മേ​ഖ​ല​യു​ടെ സ്ഥി​ര​ത​ക്ക് ഭീ​ഷ​ണി​യാ​യ വി​ഷ​യ​ത്തി​ൽ ഇ​ട​പെ​ടാ​നും കു​വൈ​ത്ത് അ​ന്താ​രാ​ഷ്ട്ര സ​മൂ​ഹ​ത്തോ​ട് ആ​ഹ്വാ​നം ചെ​യ്തു.

ല​ബ​നാ​ൻ വി​ഷ​യ​ത്തി​ൽ അ​റ​ബ് ഐ​ക്യം ഒ​രു​മി​പ്പി​ക്കു​ന്ന​തി​നു​ള്ള മാ​ർ​ഗ​ങ്ങ​ൾ ച​ർ​ച്ച ചെ​യ്ത അ​റ​ബ് ലീ​ഗ് അ​ടി​യ​ന്ത​ര യോ​ഗ​ത്തി​ൽ കു​വൈ​ത്തി​ന്‍റെ സ്ഥി​രം പ്ര​തി​നി​ധി അം​ബാ​സ​ഡ​ർ ത​ലാ​ൽ അ​ൽ മു​തൈ​രി​യാ​ണ് ഈ ​കാ​ര്യം വ്യ​ക്ത​മാ​ക്കി​യ​ത്. ല​ബ​നാ​നെ​തി​രെ​യു​ള്ള ഇ​സ്രാ​യേ​ൽ ആ​ക്ര​മ​ണം തു​ട​രു​ന്ന​തി​നാ​ൽ അ​പ​ക​ട​ക​ര​മാ​യ സാ​ഹ​ച​ര്യ​ത്തി​ലാ​ണ് യോ​ഗം ന​ട​ക്കു​ന്ന​ത്.

ല​ബ​നാ​നും ഫ​ല​സ്തീ​നു​മെ​തി​രെ ഇ​സ്രാ​യേ​ൽ തു​ട​രു​ന്ന വ്യോ​മാ​ക്ര​മ​ണ​ത്തെ കു​വൈ​ത്ത് അ​പ​ല​പി​ക്കു​ന്നു. മേ​ഖ​ല​യു​ടെ സു​ര​ക്ഷ​ക്കും സ്ഥി​ര​ത​ക്കും ഭീ​ഷ​ണി​യാ​കു​ന്ന ഈ ​പ്ര​വൃ​ത്തി​ക​ൾ അ​ന്താ​രാ​ഷ്ട്ര നി​യ​മ​ങ്ങ​ളു​ടെ​യും അ​ന്താ​രാ​ഷ്ട്ര മാ​നു​ഷി​ക നി​യ​മ​ങ്ങ​ളു​ടെ​യും ന​ഗ്ന​മാ​യ ലം​ഘ​ന​മാ​ണെ​ന്നും അ​ൽ മു​തൈ​രി ചൂ​ണ്ടി​ക്കാ​ട്ടി.

ല​ബ​നാ​നി​ലെ​യും ഫ​ല​സ്തീ​നി​ലെ​യും ജ​ന​ങ്ങ​ൾ​ക്ക് അ​ന്താ​രാ​ഷ്ട്ര സു​ര​ക്ഷ ന​ൽ​കാ​നും അ​ന്താ​രാ​ഷ്ട്ര സ​മൂ​ഹ​ത്തോ​ടും യു.​എ​ൻ സു​ര​ക്ഷാ സ​മി​തി​യോ​ടും ആ​വ​ശ്യ​പ്പെ​ടു​ന്ന​താ​യും അ​ദ്ദേ​ഹം വ്യ​ക്ത​മാ​ക്കി.