കുവൈത്ത് സിറ്റി: നിയമ ലംഘനം കണ്ടെത്തിയതിനെ തുടർന്ന് രണ്ട് ആരോഗ്യ കേന്ദ്രങ്ങൾക്കെതിരെ നടപടി. ആരോഗ്യമന്ത്രി ഡോ.അഹ്മദ് അൽ അവാദിയുടെ നിർദേശത്തെ തുടർന്നാണ് നടപടി. ഒരു സ്വകാര്യ ദന്തചികിത്സ കേന്ദ്രവും ഒരു ബ്യൂട്ടി പാർലറും അടച്ചുപൂട്ടി. മെഡിക്കൽ ചട്ടങ്ങളുടെ ഗുരുതരമായ ലംഘനങ്ങൾ കണ്ടെത്തിയതിനെത്തുടർന്ന് ആരോഗ്യമന്ത്രി ഡോ.അഹ്മദ് അൽ അവാദി രണ്ട് കേന്ദ്രങ്ങൾക്കെതിരെയും നടപടി എടുക്കാൻ ആവശ്യപ്പെടുകയായിരുന്നു. ആവശ്യമായ പെർമിറ്റ് വാങ്ങാതെയാണ് ദന്തചികിത്സ കേന്ദ്രം സേവനങ്ങൾ നൽകിയിരുന്നതെന്നും ആരോഗ്യ മന്ത്രാലയം പ്രസ്താവനയിൽ സൂചിപ്പിച്ചു. മെഡിക്കൽ ചട്ടങ്ങളും പൗരന്മാരുടെ ആരോഗ്യവും ക്ഷേമവും പാലിക്കുന്നുണ്ടെന്ന് ഉറപ്പാക്കാൻ ആരോഗ്യ സ്ഥാപനങ്ങളുടെ പരിശോധന തുടരുമെന്ന് മന്ത്രാലയം വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.