കുവൈത്ത് സിറ്റി: വെല്‍ഫെയര്‍ കേരള കുവൈത്ത് നേതൃത്വത്തില്‍ കഴിഞ്ഞയാഴ്ച കോഴിക്കോട്ടേക്ക് പോയ സൗജന്യ ചാര്‍ട്ടര്‍ വിമാനത്തിലെ യാത്രക്കാരെ പങ്കെടുപ്പിച്ച് ക്വാറൻറീന്‍ മീറ്റ്‌ സംഘടിപ്പിച്ചു. കോവിഡ് രോഗ വ്യാപനം തുടരുന്ന സാഹചര്യത്തില്‍ ആശങ്കയിലായവര്‍ക്ക് ആശ്വാസം പകര്‍ന്ന് ഡോ. അബ്ദുൽഫതാഹ് ബോധവത്കരണ ക്ലാസെടുത്തു. ആരോഗ്യ മാര്‍ഗനിര്‍ദേശങ്ങള്‍ പാലിച്ച് ക്വാറൻറീന്‍ കാലയളവ് ക്രിയാത്മകമായി പ്രയോജനപ്പെടുത്തണമെന്നും എല്ലാവരും ആത്മധൈര്യം കൈവിടാതെ നിലകൊള്ളണമെന്നും അദ്ദേഹം പറഞ്ഞു.
പെങ്കടുത്തവരുടെ സംശയങ്ങള്‍ക്ക് അദ്ദേഹം മറുപടി നല്‍കി. ഓണ്‍ലൈന്‍ വഴി സംഘടിപ്പിച്ച സംഗമത്തില്‍ വെല്‍ഫെയര്‍ കേരള കുവൈത്ത് പ്രസിഡൻറ് റസീന മുഹ്യുദ്ദീന്‍ അധ്യക്ഷത വഹിച്ചു. വൈസ് പ്രസിഡൻറ് ഖലീലുറഹ്മാന്‍ സ്വാഗതവും ജനറല്‍ സെക്രട്ടറി അന്‍വര്‍ ഷാജി നന്ദിയും പറഞ്ഞു. കാസർകോട് മുതല്‍ തിരുവനന്തപുരം വരെയുള്ള വിവിധ ജില്ലകളിലെ 164 യാത്രാക്കാരാണ് കഴിഞ്ഞയാഴ്ച സൗജന്യ ചാര്‍ട്ടര്‍ വിമാനത്തില്‍ നാട്ടിലേക്ക് മടങ്ങിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.