യൂത്ത് ഇന്ത്യ കുവൈത്ത് സംഘടിപ്പിച്ച ഡോക്യുമെന്ററി പ്രദർശനം കാണുന്നവർ
കുവൈത്ത് സിറ്റി: യൂത്ത് ഇന്ത്യ കുവൈത്തിന്റെ ആഭിമുഖ്യത്തിൽ ബാബരി ധ്വംസനത്തിന്റെ നാൾ വഴികൾ വിശദീകരിക്കുന്ന ആനന്ദ് പട് വർധന്റെ ‘രാം കെ നാം’ ഡോക്യുമെന്ററി പ്രദർശിപ്പിച്ചു. ഫർവാനിയ ഐഡിയൽ ഓഡിറ്റോറിയത്തിൽ ആദ്യ പ്രദർശനം യൂത്ത് ഇന്ത്യ പ്രസിഡൻറ് സിജിൽ ഖാൻ ഉദ്ഘാടനം ചെയ്തു.
നൂറ്റാണ്ടുകൾ പഴക്കമുള്ള പള്ളികളിൽ ക്ഷേത്രാവശിഷ്ടങ്ങൾ ഉണ്ടെന്ന കള്ളം പടച്ച് കോടതികളെ പോലും സ്വാധീനിച്ച് ന്യൂനപക്ഷങ്ങളുടെ അവകാശങ്ങൾ തച്ചുടക്കുന്ന കാഴ്ചകളാണ് ഇന്ത്യയിലുടനീളം കണ്ടുകൊണ്ടിരിക്കുന്നതെന്നും ഈ അന്യായങ്ങൾക്കെതിരെ എല്ലാ മതവിശ്വാസികളും പ്രതികരിക്കണമെന്നും പരിപാടിയുടെ കൺവീനർ യാസിർ അഭിപ്രായപ്പെട്ടു. ഫഹാഹിയിൽ, അബു ഹലീഫ, സാൽമിയ, ഫർവാനിയ, ജലീബ്, റിഗ്ഗയ് എന്നിവിടങ്ങളിൽ നടന്ന പ്രദർശനത്തിന് അഷ്ഫാഖ് അഹ്മദ്, പി.പി. അബ്ദുർറസാഖ്, ജവാദ് അമീർ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.