ബുറൈമി: കുട്ടികളിലെ ചിത്രകല അഭിരുചി പ്രോത്സാഹിപ്പിക്കാൻ ലക്ഷ്യമിട്ട് ബുറൈമി ടൗൺ സഹൃദ വേദി ബുറൈമിയിലെ ഡേ ടു ഡേ വ്യാപാരകേന്ദ്രത്തിൽ ചിത്ര രചന മത്സരവും വനിതകൾക്കായി ഫൺ ഗെയിംസും നടത്തി.
വിവിധ പ്രായക്കാരായ കുട്ടികളുടെ മത്സരത്തിൽ കൊച്ചു കുട്ടികൾക്ക് കളറിങ്ങും മുതിർന്ന കുട്ടികൾക്ക് പെൻസിൽ ഡ്രോയിങ്ങും നടത്തി. 70ഓളം കുട്ടികൾ മത്സരത്തിൽ പങ്കെടുത്തു. വനിതകൾക്ക് നടത്തിയ ഫൺ ഗെയിംസ് ജന പങ്കാളിത്തം കൊണ്ട് ശ്രദ്ധേയമായി പ്രായ വ്യത്യാസമില്ലാതെ വനിതകൾ പങ്കെടുത്തത് ബുറൈമിയിലെ കുടുംബങ്ങൾക്ക് വേറിട്ട അനുഭവമായി .
കുട്ടികളുടെ ചിത്രരചന ഉയർന്ന നിലവാരംപുലർത്തിയെന്ന് വിധി കർത്താവിലൊരാളായ ബുറൈമി ഇന്ത്യൻ സ്കൂൾ ചിത്രകല അധ്യാപകൻ സൈദ് എം. ഹസ്സൻ പറഞ്ഞു. ഷിൻജു ജോസഫ്, ഗോപിക പി. എന്നിവരും വിധികർത്താക്കളായിരുന്നു. ഡേ ടു ഡേ മാനേജർ യാക്കൂബ് സമ്മാന വിതരണം നടത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.