മസ്കത്ത്: നെതർലൻഡ്സിലെ ബ്രേഡയിൽ നടക്കുന്ന ചാമ്പ്യൻസ് ട്രോഫി ഹോക്കി ഫൈനൽ റൗണ്ടിെൻറ ആവേശം നെഞ്ചേറ്റി മസ്കത്തിൽനിന്നുള്ള ഒരു സംഘം പ്രവാസികൾ. യുനൈറ്റഡ് തലശ്ശേരി സ്പോർട്സ് ക്ലബ് ചെയർമാൻ ജാവിസ് അഹ്മദിെൻറ നേതൃത്വത്തിൽ ആറു പേരാണ് മത്സരം കാണാൻ നെതർലൻഡ്സിൽ എത്തിയിട്ടുള്ളത്. ജാവിസിനൊപ്പം ഷാനവാസ്, ഹാസിർ, പർവേസ്, ജംഷീർ, നാസർ എന്നിവരും കുടുംബ സമേതമാണ് എത്തിയിട്ടുള്ളത്.
ഇന്ത്യൻ ടീമിെൻറ മത്സരങ്ങൾ കാണുകയും പ്രോത്സാഹനം നൽകുകയുമാണ് യാത്രയുടെ പ്രധാന ലക്ഷ്യമെന്ന് ജാവിസ് പറഞ്ഞു. പാകിസ്താനുമായുള്ള ഇന്ത്യയുടെ ആദ്യ മത്സരം കാണാൻ സമീപത്തുള്ള യൂറോപ്യൻ രാജ്യങ്ങളിൽനിന്നും ഇന്ത്യക്കാർ എത്തിയിരുന്നു. ഗാലറിയുടെ നിറഞ്ഞ പിന്തുണയിൽ മറുപടിയില്ലാത്ത നാലു ഗോളിന് ഇന്ത്യ പാകിസ്താനെ തകർത്തു. മത്സര ശേഷം ഇന്ത്യൻ ടീം അംഗങ്ങെളയും കോച്ചിനെയും നേരിൽകാണാൻ അവസരം ലഭിച്ചതായും ജാവിസ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.