മസ്കത്ത്: നിസ്വ മലിനജല ശുദ്ധീകരണ പ്ലാന്‍റ് ഭാഗികമായി തകർന്നതിനെത്തുടർന്ന് നാശനഷ്ടങ്ങൾ വിലയിരുത്താൻ കമ്മിറ്റി രൂപവത്കരിച്ചു. ട്രിപ്പിൾ ട്രീറ്റ് ചെയ്ത വെള്ളമായതിനാൽ ദുർഗന്ധമൊന്നും അടങ്ങിയിട്ടില്ലാത്തതിനാൽ ജലപ്രവാഹം മൂലം കാര്യമായ പാരിസ്ഥിതിക നാശമൊന്നും ഉണ്ടാകുന്നില്ലെന്ന് നാമ വാട്ടർ സർവിസസിലെ (എൻ.ഡബ്ല്യു.എസ്) ഓപ്പറേഷൻസ് ആൻഡ് മെയിന്‍റനൻസ് സി.ഇ.ഒ എൻജിനീയർ അബ്ദുല്ല ബിൻ മുഹമ്മദ് അൽ നുഐമി അറിയിച്ചു.
ഗവർണറുടെ ഓഫിസ്, നിസ്വ മുനിസിപ്പാലിറ്റി, നിസ്വ മാർക്കറ്റ് അഡ്മിനിസ്ട്രേഷൻ, ഒമാൻ ചേംബർ എന്നിവയുടെ ഏകോപനത്തിലാണ് കമ്മിറ്റി രൂപവത്കരിച്ചിട്ടുള്ളത്. തകർച്ചയുടെ ഫലമായുണ്ടാകുന്ന നാശനഷ്ടങ്ങൾ വിലയിരുത്തുന്നതിന് ടീം ഇതിനകം തന്നെ പ്രവർത്തനം ആരംഭിച്ചിട്ടുണ്ട്.
വിലയിരുത്തൽ അനുസരിച്ച് ബാധിതർക്ക് നഷ്ടപരിഹാരം നൽകാൻ ഞങ്ങൾ പ്രതിജ്ഞാബദ്ധരണെന്ന അൽ നുഐമി പറഞ്ഞു.
2008ൽ സ്ഥാപിതമായ നിസ്‌വയിലെ മലിനജല ശുദ്ധീകരണ പ്ലാന്‍റിൽ പ്രതിദിനം 11,000 ക്യുബിക് മീറ്ററാണ് ലഭിക്കുന്നതെന്നും മികച്ച അന്താരാഷ്‌ട്രരീതികൾക്ക് അനുസൃതമായി ഉയർന്ന ശുദ്ധിയോടെ ട്രിപ്പിൾ ജലം സംസ്‌കരിക്കുന്നതിനുള്ള ഏറ്റവും പുതിയ സാങ്കേതിക വിദ്യകൾ ഉപയോഗിച്ചാണ് പ്രവർത്തിക്കുന്നതെന്നും വെള്ളിയാഴ്ചയാണ് നിസ്വ മലിനജല ശുദ്ധീകരണ പ്ലാന്‍റിലെ ശുദ്ധീകരിച്ച ജലശേഖരണ ബേസിൻ ഭാഗികമായി തകർന്ന് മാർക്കറ്റിൽ വെളളം കയറിയത്.
അപ്രതീക്ഷിത വെള്ളപ്പൊക്കത്തിൽ കച്ചവടക്കാരുടെ സാധനങ്ങൾക്ക് കേടുപാടുകളും നാശനഷ്ടങ്ങളും കേടുപാടുകളും സംഭവിച്ചു. കുളത്തിലെ ഫീഡർ ട്യൂബ് പൊട്ടി വെള്ളം വാദി കൽബുവിലേക്ക് ഒഴുകിയതാണ് വെള്ളപ്പൊക്കത്തിനിടയാക്കിയതെന്ന് ‘നാമ’ വാട്ടർ സർവിസസ് കമ്പനി പ്രസ്താവനയിൽ പറഞ്ഞു.
സംഭവത്തിൽ ക്ഷമാപണം നടത്തിയ ‘നാമ’, സാഹചര്യം നിയന്ത്രിക്കുന്നതിന് ബന്ധപ്പെട്ട അധികാരികളുമായും ഫീൽഡ് ടീമുമായും ഏകോപിപ്പിച്ച് പ്രവർത്തിക്കുകയും ചെയ്തിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.