റു​സ്താ​ഖി​ലെ ലേ​ല​ത്തി​ൽ പ​ശു​ വി​റ്റു​പോ​യ​ത് മോ​ഹവി​ല​യ്ക്ക്

മ​സ്ക​ത്ത്: തെ​ക്ക​ൻ ശ​ർ​ഖി​യ ഗ​വ​ർ​ണ​റേ​റ്റ് റു​സ്താ​ഖി​ലെ വി​ലാ​യ​ത്തി​ൽ ന​ട​ന്ന ലേ​ല​ത്തി​ൽ പ​ശു വി​റ്റു​പോ​യ​ത് മോ​ഹ വി​ല​യ്ക്ക്. 28ാമ​ത് റ​മ​ദാ​ൻ ലേ​ല​ത്തി​ൽ 980 റി​യാ​ലി​നാണ് പ​ശു​വി​നെ ലേ​ല​ത്തി​ൽ കൊ​ണ്ട​ുപോ​യ​ത്. ദാ​ഹി​റ ഗ​വ​ർ​ണ​റേ​റ്റ് ഉ​ൾ​പ്പെ​ടെ മേ​ഖ​ല​യി​ലു​ട​നീ​ള​മു​ള്ള വി​ൽ​പ​ന​ക്കാ​രും വാ​ങ്ങു​ന്ന​വ​രും മ​റ്റു​മാ​യി​രു​ന്നു ലേ​ല​ത്തി​ന് എ​ത്തി​യി​രു​ന്ന​ത്. ഈ​ദ് ആ​ഘോ​ഷ​ത്തി​ന് മു​ന്നോ​ടി​യാ​യി ന​ട​ന്ന ഈ ​പ​രി​പാ​ടി​യി​ൽ വൈ​വി​ധ്യ​മാ​ർ​ന്ന ക​ന്നു​കാ​ലി​ക​ൾ, പ്രാ​ദേ​ശി​ക വി​ഭ​വ​ങ്ങ​ൾ, പ​ര​മ്പ​രാ​ഗ​ത ഉ​ൽ​പ​ന്ന​ങ്ങ​ൾ എ​ന്നി​വ പ്ര​ദ​ർ​ശി​പ്പി​ച്ചി​രു​ന്നു. ആ​ടു​ക​ൾ 245 റി​യാ​ൽ വ​രെ വി​ല​യി​ലും ലേ​ല​ത്തി​ൽ വി​റ്റു.

ആ​ടു​ക​​ളെ 70 മു​ത​ൽ 245 റി​യാ​ൽ വ​രെ​യും പ​ശു​ക്ക​ളെ 400 മു​ത​ൽ 980 റി​യാ​ൽ വ​രെ​യാ​യി​രു​ന്നു ലേ​ല​ത്തി​ൽ വി​ളി​ച്ചി​രു​ന്ന​ത്.

റു​സ്താ​ഖ് ലാ​ൻ​ഡി​ങ് എ​ന്ന​റി​യ​പ്പെ​ടു​ന്ന മാ​ർ​ക്ക​റ്റി​ൽ പ്രാ​ദേ​ശി​ക നെ​യ്യ്, സു​ഗ​ന്ധ​വ്യ​ഞ്ജ​ന​ങ്ങ​ൾ, പ​രി​പ്പ്, ഒ​മാ​നി മ​ധു​ര​പ​ല​ഹാ​ര​ങ്ങ​ൾ, ഈ​ത്ത​പ്പ​ന​യോ​ല​ക​ൾ, സ​മ​ർ വി​റ​ക്, വാ​ഴ​യി​ല, ബാ​ർ​ബി​ക്യൂ സ്റ്റി​ക്കു​ക​ൾ, കു​ട്ടി​ക​ളു​ടെ ക​ളി​പ്പാ​ട്ട​ങ്ങ​ൾ, റെ​ഡി​മെ​യ്ഡ് വ​സ്ത്ര​ങ്ങ​ൾ, റൈ​ഫി​ളു​ക​ൾ, ക​ഠാ​ര​ക​ൾ, വാ​ക്കി​ങ് സ്റ്റി​ക്കു​ക​ൾ തു​ട​ങ്ങി​യ പ​ര​മ്പ​രാ​ഗ​ത വ​സ്തു​ക്ക​ളും മാ​ർ​ക്ക​റ്റി​ൽ ഒ​രു​ക്കി​യി​രു​ന്നു.