മസ്കത്ത്: മാർ ഗ്രിഗോറിയോസ് ഓർത്തഡോക്സ് മഹാ ഇടവകയുടെ ആഭിമുഖ്യത്തിൽ നടത്തുന്ന കുടുംബസംഗമം ‘നുഹറോ -2018’ വെള്ളി, ശനി തീയതികളിൽ റൂവി സെൻറ് തോമസ് ചർച്ചിൽ നടക്കും. പ്രചോദനാത്മക പ്രഭാഷണങ്ങളിലൂടെയും വ്യത്യസ്തമായ അവതരണ ശൈലിയിലൂടെയും കുട്ടികൾക്കും മുതിർന്നവർക്കും ഒരുപോലെ പ്രിയങ്കരരായ കേരളത്തിെൻറ മുൻ ഡി.ജി.പി. ഡോ. അലക്‌സാണ്ടർ ജേക്കബ്, മജീഷ്യൻ പ്രഫ. ഗോപിനാഥ് മുതുകാട് എന്നിവർ കോൺഫറൻസിന് നേതൃത്വം നൽകും.
ഇരുവരും ഒമാനിൽ ആദ്യമായി ഒരു വേദിയിലെത്തുന്ന സവിശേഷതയോടെ സംഘടിപ്പിക്കുന്ന കുടുംബസംഗമത്തിൽ കുട്ടികൾക്കും മുതിർന്നവർക്കുമായി പ്രത്യേകം ക്ലാസുകൾ, വിഷയാധിഷ്ഠിത ചർച്ചകൾ, ചോദ്യോത്തര പരിപാടി, പൊതു ചര്‍ച്ച തുടങ്ങിയവ നടത്തും. മുതുകാട് അവതരിപ്പിക്കുന്ന പ്രത്യേക പരിപാടി എംക്യൂബ് (മോള്‍ഡിങ് മൈന്‍ഡ്സ് മാജിക്കലി) വെള്ളിയാഴ്ച വൈകീട്ട് ആറുമുതല്‍ നടക്കും.
ഒമ്പത്വയസ്സ് മുതല്‍ 21 വയസ്സ് വരെയുള്ളവര്‍ക്കായി പ്രത്യേക ക്ലാസും അതിഥികളും കുട്ടികളുമായുള്ള പ്രത്യേക സംവാദ പരിപാടിയും ശനിയാഴ്ച വൈകീട്ട് നാലുമുതല്‍ നടക്കും. രജിസ്ട്രേഷന് ഫോൺ: 93880414, 92053589.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.