മസ്‌കത്ത്: ഗാലന്റ്‌സ് എഫ്.സി ഒമാന്‍ സംഘടിപ്പിക്കുന്ന ലിഗ ഡി ഫുട്‌ബാള്‍ രണ്ടാം പതിപ്പ് ജനുവരി 24ന് മബേല അല്‍ ഷാദി ടര്‍ഫില്‍ നടത്തുമെന്ന് സംഘാടകര്‍ അറിയിച്ചു. കളി കാണാനെത്തുന്നവര്‍ക്കും കുടുംബങ്ങള്‍ക്കും വിവിധ വിനോദ പരിപാടികളും ഇടവേളകളിലായി നടത്തും.
സമ്മാനങ്ങളും വിതരണം ചെയ്യും. കെ.എം.എഫ്.എ അംഗ്വതമുള്ള ടീമുകള്‍ക്ക് പരിഗണന നല്‍കിയാണ് ടൂര്‍ണമെന്റ് സംഘടിപ്പിക്കുക. 16 ടീമുകളെ നാല് ഗ്രൂപ്പായി തിരിച്ചായിരിക്കും മത്സരങ്ങള്‍.
ഇന്ത്യയിലെ പ്രമുഖ ലീഗ്, അഖിലേന്ത്യാ മത്സരങ്ങള്‍ ഉള്‍പ്പടെ കളിക്കുന്ന താരങ്ങള്‍ വിവിധ ടീമുകള്‍ക്കായി കളത്തിലിറങ്ങും. ടൂര്‍ണമെന്റ് വിജയികള്‍ക്ക് കാഷ് പ്രൈസും ട്രോഫിയും സമ്മാനിക്കും. ഒമാനിലെ എല്ലാ ഫുട്‌ബാള്‍ പ്രേമികളെയും ടൂര്‍ണമെന്റിലേക്ക് സ്വാഗതം ചെയ്യുന്നതായും സംഘാടകര്‍ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.