മസ്കത്ത്: ദേശീയ ഐക്യദിനമായി ആചരിക്കുന്ന സർദാർ വല്ലഭ്ഭായ് പട്ടേലിെൻറ ജന്മദിനം മുലദ ഇന്ത്യൻ സ്കൂളിൽ വിപുലമായ പരിപാടികളോടെ സംഘടിപ്പിച്ചു. സ്കൂൾ ഗായക സംഘത്തിെൻറ പ്രാർഥനാഗാനത്തോടെ ആരംഭിച്ച ചടങ്ങിന് സോഷ്യൽ സയൻസ് വകുപ്പ് നേതൃത്വം നൽകി. പ്രിൻസിപ്പൽ എസ്.ഐ. ഷരീഫ്, വൈസ് പ്രിൻസിപ്പൽ വി.എസ്. സുരേഷ്, കോ-കരിക്കുലർ എക്സ്ട്രാ കരിക്കുലർ ആക്ടിവിറ്റി കോഒാഡിനേറ്റർ ഡോ.ഒ.സി ലേഖ, അധ്യാപകർ തുടങ്ങിയവർ ചടങ്ങിൽ സംബന്ധിച്ചു. സ്വാതന്ത്ര്യത്തിനു വേണ്ടിയുള്ള സർദാർ പട്ടേലിെൻറ അക്ഷീണ പ്രയത്നങ്ങളും പ്രവർത്തനങ്ങളും നേരിട്ട വെല്ലുവിളികളും പ്രിൻസിപ്പൽ എസ്.ഐ. ഷരീഫ് വിവരിച്ചു. വിദ്യാർഥി ഗ്യാവിൻ പോൾ സംസാരിച്ചു. ക്വിസ് മത്സരത്തിന് അധ്യാപകൻ ഫൈസൽ ബാബു നേതൃത്വം നൽകി. ക്വിസ് മത്സര വിജയികൾക്കുള്ള സമ്മാനങ്ങളും പ്രിൻസിപ്പൽ നൽകി. അധ്യാപിക സോണി നിരേഷ് നന്ദി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.