തുംറൈത്ത് ഇന്ത്യൻ സ്കൂൾ കായിക ദിനം സലാല ഇന്ത്യൻ സ്കൂൾ പ്രസിഡന്റ് ഡോ.അബൂബക്കർ സിദ്ദീഖ് ഉദ്ഘാടനം ചെയ്യുന്നു
തുംറൈത്ത്: ഇന്ത്യൻ സ്കൂൾ തുംറൈത്ത് വാർഷിക കായിക ദിനം സ്കൂൾ ഗ്രൗണ്ടിൽ അരങ്ങേറി. സലാല ഇന്ത്യൻ സ്കൂൾ പ്രസിഡന്റ് ഡോ. അബൂബക്കർ സിദ്ദിഖ് , പ്രിൻസിപ്പൽ ദീപക് പഠാങ്കർ എന്നിവർ അതിഥികളായി.
സ്കൂൾ പ്രസിഡന്റ് റസ്സൽ മുഹമ്മദ്, ഹെഡ്മിസ്ട്രസ് രേഖ പ്രശാന്ത്, കമ്മിറ്റി അംഗങ്ങളായ ഡോ. പ്രവീൺ ഹട്ടി, ബിനു പിള്ള, അബ്ദുൽ സലാം, പ്രസാദ് സി.വിജയൻ, ഷജീർഖാൻ, രാജേഷ് പട്ടോണ തുടങ്ങിയവരും സംബന്ധിച്ചു. എല്‍.കെ.ജി, യു.കെ.ജി വിദ്യാര്‍ഥികളുടെ 50 മീറ്റര്‍ ഓട്ടമത്സരം, ഒന്ന് മുതല്‍ നാല് വരെയുള്ള ആണ്‍കുട്ടികളുടെയും പെണ്‍കുട്ടികളുടെയും 100 മീറ്റര്‍ ഓട്ടമത്സരം, അഞ്ച്, ആറ്, ഏഴ് ക്ലാസ്സുകളിലെ ആണ്‍കുട്ടികളുടെയും പെണ്‍കുട്ടികളുടെയും റിലേ, ബലൂൺ ഹെയർ കട്ട്‌, ചെയിൻ റേസ്, ബാസ്കറ്റ് ബാൾ, ടയർ റേസ് തുടങ്ങിയവയും നടന്നു.
അത്‌ലറ്റിക് മീറ്റിൽ എസ്.എന്‍ ജോഷന്‍റെ നേതൃത്വത്തിലുള്ള യെല്ലോ ഹൗസ് ഓവറോൾ ചാമ്പ്യന്മാരായി. അനാമിക എ.എസ് ന്റെ നേതൃത്വത്തിലുള്ള ബ്ലൂ ഹൗസ് റണ്ണർ അപ് ട്രോഫിയും കരസ്ഥമാക്കി. അധ്യാപകരായ സന്നു ഹർഷ്, രേഷ്മ സിജോയ്, രാജികെ.രാജൻ, എന്നിവർ നേതൃത്വം നൽകി. ഹെഡ്മിസ്ട്രസ് രേഖാ പ്രശാന്ത് സ്വാഗതവും സ്പോർട്സ് കോർഡിനേറ്റർ രാജി മനു നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.