മസ്കത്ത്: രാജ്യത്ത് ചൊവ്വാഴ്ച മുതൽ വ്യാഴാഴ്ചവരെ ഒമാനിൽ ന്യൂനമർദം ബാധിക്കുമെന്ന് കാലാവസ്ഥ നിരീക്ഷണ കന്ദ്രം അറിയിച്ചു.
അസ്ഥിരമായ കാലാവസ്ഥയുടെ ഭാഗമായി മുസന്ദം, തെക്ക്-വടക്ക് ബാത്തിന, മസ്കത്ത്, തെക്കൻ ശർഖിയ എന്നിവയുൾപ്പെടെ നിരവധി ഗവർണറേറ്റുകളിൽ വ്യത്യസ്‌ത തീവ്രതയിലുള്ള മഴക്ക് സാധ്യതയുണ്ട്. ചൊവ്വ, ബുധൻ ദിവസങ്ങളിൽ മുസന്ദം, തെക്ക്-വടക്ക് ബാത്തിന, മസ്കത്ത്, ദാഖിലിയ ഗവർണറേറ്റിന്‍റെ ചില ഭാഗങ്ങളിലും അഞ്ചു മുതൽ 15 മില്ലീമീറ്റർരെ മഴ ലഭിച്ചേക്കാം. മണിക്കൂറിൽ 18 മുതൽ 37.കിലോമീറ്റർ വേഗത്തിൽ കാറ്റ് വീശാനും സാധ്യതയുണ്ട്.
വ്യാഴാഴ്ച മുസന്ദം, തെക്ക്-വടക്ക് ബാത്തിന, മസ്കത്ത്, തെക്കൻ ശർഖിയ, ദാഖിലിയ ഗവർണറേറ്റിന്‍റെ ചില ഭാഗങ്ങളിലും അൽഹജർ പർവത നിരകളിലും സമാനമായ കലാവസ്ഥ അനുഭവപ്പെടുമെന്ന് മുന്നറിയിപ്പിൽ പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.