ഒ.ഐ.സി.സി ഇബ്രി റീജനൽ കമ്മിറ്റിയുടെ നേതൃത്വത്തിൽ നടന്ന ഇന്ദിര ഗാന്ധി അനുസ്മരണം
ഇബ്രി: ഒ.ഐ.സി.സി ഇബ്രി റീജനൽ കമ്മിറ്റി ഇന്ദിര ഗാന്ധി അനുസ്മരണം സംഘടിപ്പിച്ചു. പ്രസിഡന്റ്‌ ടി.എസ്. ഡാനിയേൽ അധ്യക്ഷതവഹിച്ചു.
ബാങ്ക് ദേശസാത്കരണം എന്ന വിപ്ലവകരമായ നടപടിയിലൂടെ ഭാരതത്തിലെ പാവങ്ങളുടെ പട്ടിണിയകറ്റിയ ദീർഘവീക്ഷണമുള്ള ഒരു ഭരണാധികാരിയായിരുന്നു ഇന്ദിര ഗാന്ധിയെന്നും ഇന്ത്യയുടെ മതേതരത്വവും ജനാധിപത്യവും നിലനിൽക്കാൻ വരുന്ന ലോക്സഭ തെരഞ്ഞെടുപ്പിൽ കോൺഗ്രസിന് വിജയം അനിവാര്യമാണെന്നും അതിന് വേണ്ടിയുള്ള പ്രവർത്തനങ്ങളുമായി ഒ.ഐ.സി.സി മുന്നോട്ടുപോകണമെന്നും യോഗം അഭിപ്രായപ്പെട്ടു. വിനൂപ് വെണ്ടറപ്പിള്ളി, അജിത് കാസർകോട്, താജുദ്ദീൻ കോഞ്ചേരി, ദീപു വർക്കി, ഷാനവാസ്‌, എൽദോ, സന്തോഷ്‌, സുഭാഷ് എന്നിവർ പങ്കെടുത്തു. ജനറൽ സെക്രട്ടറി ഷിഹാബ് തട്ടാരുകുറ്റിയിൽ സ്വാഗതവും ട്രഷറർ മുരളീധരൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.