ഫ്രഞ്ച്​ ഉൽപന്ന ബഹിഷ്​കരണം: പിന്തുണയുമായി ഒമാൻ ഗ്രാൻഡ്​​ മുഫ്​തി

മസ്​കത്ത്​: ഫ്രഞ്ച്​ ഉൽപന്നങ്ങളുടെ ബഹിഷ്​കരണത്തിന്​ പിന്തുണയുമായി ഒമാൻ ഗ്രാൻഡ്​ മുഫ്​തി അഹമ്മദ്​ അൽ ഖലീലി.ഇ​സ്​​ലാ​മി​നെ​തി​രെ ​പ്ര​സി​ഡ​ൻ​റ്​ ഇ​മ്മാ​നു​വ​ൽ മാ​ക്രോ​ൺ ന​ട​ത്തി​യ രൂക്ഷ വിമർശനങ്ങൾക്കും സർക്കാർതല നടപടികൾക്കും പിന്നാലെ അറബ്​ലോകത്ത്​ ഫ്രഞ്ച്​ ഉൽപന്നങ്ങളുടെ ബഹിഷ്​കരണാഹ്വാനം ശക്തമായി​​. ഇതിനു പിന്നാലെയാണ്​ ഗ്രാൻഡ്​​ മുഫ്​തിയുടെ പ്രസ്​താവന.

ആദരണീയനായ പ്രവാചകനെതിരെ ആക്രമണം അഴിച്ചുവിടുന്നവരുടെ നേതൃത്വത്തിലുള്ള സാമ്പത്തിക സ്​ഥാപനങ്ങളിൽനിന്ന്​ മൂലധനം പിൻവലിക്കേണ്ടതുണ്ടെന്ന്​ ഗ്രാൻഡ്​​ മുഫ്​തി ട്വിറ്ററിൽ പ്രസിദ്ധീകരിച്ച പ്രസ്​താവനയിൽ അറിയിച്ചു. പ്രവാചക​െൻറ മഹത്തായ വ്യക്തിത്വത്തെ മോശമായി ചിത്രീകരിച്ചവരിൽ നിന്നുള്ള എല്ലാ കയറ്റുമതികളും മുസ്​ലിംകൾ ബഹിഷ്​കരിക്കണമെന്ന്​ ആഹ്വാനം നൽകിയവരെ താൻ പിന്തുണക്കുന്നു. ഇത്തരക്കാർ പ്രവാചകനോടുള്ള മുസ്​ലിംകളുടെയും മുസ്​ലിം രാഷ്​ട്രങ്ങളുടെയും വികാരങ്ങൾ മാനിക്കാത്തവരാണ്​.മതപരമായ അധിക്ഷേപങ്ങൾ നടത്തുന്നവരെ ആശ്രയിക്കാത്ത സമ്പദ്​വ്യവസ്​ഥ മുസ്​ലിംകൾ പടുത്തുയർത്തണമെന്നും ഗ്രാൻഡ്​ മുഫ്തി നിർദേശിച്ചു.