മുഹമ്മദ് ഷമീൽ
മസ്കത്ത്: ഗൾഫ് മാധ്യമം പ്രമുഖ ഭക്ഷ്യോത്പന്ന കമ്പനിയായ നൂർ ഗസലുമായി ചേർന്ന് ഒമാനിലെ വായനക്കാർക്കായി സംഘടിപ്പിച്ച റമദാൻ ക്വിസ് മത്സരത്തിലെ മെഗാ വിജയിയെ തെരഞ്ഞെടുത്തു.
അൽ മറായി ഡയറി കമ്പനി ആക്ടീവ് സെയിൽസ് സൂപ്പർവൈസറായ മുഹമ്മദ് ഷമീൽ ആണ് സമ്മാനാർഹനായത്. തൃശൂർ ചാവക്കാട് സ്വദേശിയാണ്. മെഗാ സമ്മാനമായി സാംസങ് 43 ഇഞ്ച് യു.എച്ച്.ഡി ടെലിവിഷൻ ആണ് നൽകുന്നത്.
റമദാൻ ഒന്ന് മുതൽ 30 വരെ ഗൾഫ് മാധ്യമം പത്രം, മാധ്യമം വെബ്സൈറ്റ്, സമൂഹ മാധ്യമ പേജുകളിൽ ദിനേന ഓരോ ചോദ്യം വീതം പ്രസിദ്ധീകരിച്ചിരുന്നു. മത്സരത്തിൽ പങ്കെടുത്തവരിൽ ശരിയുത്തരം അയച്ചവരിൽനിന്നും ദിനേന ഓരോ വിജയികളെ വീതം തെരഞ്ഞെടുത്തിരുന്നു. 30 വിജയികൾക്ക് നൂർ ഗസൽ ഫുഡ്‌സിന്റെ ഗിഫ്റ്റ് ഹാമ്പർ സമ്മാനമായി നൽകി. ഒമാനിലെ എല്ലാ പ്രദേശങ്ങളിൽനിന്നും ധാരാളം ആളുകളാണ് മത്സരത്തിൽ പങ്കെടുത്തത്. റമദാൻ ക്വിസ് മത്സരത്തിന് വളരെ മികച്ച പ്രതികരണമാണ് ലഭിച്ചതെന്ന് ഗസൽ ഫുഡ്സ് മാനേജ്‌മെന്റ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.