അറബ് അക്വാട്ടിക്
ചാമ്പ്യൻഷിപ്പിൽ മെഡൽ
നേടിയ ഖത്തർ താരങ്ങൾ
ദോഹ: ഈജിപ്തിലെ കൈറോയിൽ ആരംഭിച്ച അറബ് ജൂനിയർ അക്വാട്ടിക് ചാമ്പ്യൻഷിപ്പിൽ ഏഴ് മെഡലുകളുമായി ഖത്തറിന്റെ മികച്ച തുടക്കം. രണ്ട് വെള്ളിയും അഞ്ച് വെങ്കലവുമാണ് ആദ്യ ദിനം സ്വന്തമാക്കിയത്. അണ്ടർ 16 വിഭാഗം 50 മീറ്റർ ബ്രെസ്റ്റ്സ്ട്രോക്കിൽ ഹംസ മഹ്മൂദ്, അണ്ടർ 18ൽ അബ്ദുല്ല അൽ ഖാലിദ് എന്നിവരാണ് വെള്ളി നേടിയത്.
മുഹമ്മദ് അസിസ് (അണ്ടർ 16, 50 മീ ബട്ടർൈഫ്ല), തമിം മുഹമ്മദ് (അണ്ടർ 18, 50 മീ ബട്ടർൈഫ്ല), റാഷിദ് സഅദ് അൽ റുമൈഹി (അണ്ടർ 14, 50 മീ ബ്രെസ്റ്റ് സ്ട്രോക്) എന്നിവർ വെങ്കലം നേടി. അണ്ടർ 16 ഫ്രീസ്റ്റൈൽ റിലേയിലും ഖത്തർ ടീം വെങ്കലം നേടി. മൂന്നാമത് അറബ് അക്വാട്ടിക് ചാമ്പ്യൻഷിപ്പിൽ 14 താരങ്ങളാണ് ഖത്തറിൽ നിന്നും പങ്കെടുക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.