ല​ഹ​രി​ക്കെ​ണി​ക്കെ​തി​രെ ജാ​ഗ്ര​ത​വേ​ണം

ല​ഹ​രി​ച്ചു​ഴി​യി​ൽ കു​രു​ങ്ങ​രു​ത് പ്ര​വാ​സ സ്വ​പ്ന​ങ്ങ​ൾ’ എ​ന്ന പ​ര​മ്പ​ര​യി​ലൂ​ടെ ‘ഗ​ൾ​ഫ് മാ​ധ്യ​മം’ വാ​യ​ന​ക്കാ​രു​ടെ ശ്ര​ദ്ധ ക്ഷ​ണി​ച്ച​ത്, ഓ​രോ പ്ര​വാ​സി​യും, അ​വ​രു​ടെ കു​ടും​ബ​ങ്ങ​ളും സു​ഹൃ​ത്തു​ക്ക​ളും ജാ​ഗ്ര​ത പാ​ലി​ക്കേ​ണ്ട വി​ഷ​യ​ത്തി​ലേ​ക്കാ​ണ്. ഖ​ത്ത​റി​ലെ ഇ​ന്ത്യ​ൻ എം​ബ​സി അ​പെ​ക്സ് സം​ഘ​ട​ന​യു​ടെ ഭാ​ഗം എ​ന്ന നി​ല​യി​ൽ ഞ​ങ്ങ​ൾ നി​ത്യേ​ന ഇ​ട​പെ​ടു​ന്ന വി​ഷ​യ​ങ്ങ​ളി​ലൊ​ന്നാ​ണി​ത്. ഒ​രു വി​ദേ​ശ​രാ​ജ്യ​ത്ത് ജോ​ലി ചെ​യ്ത് കു​ടും​ബ​ത്തി​ന് സു​ര​ക്ഷി​ത​മാ​യ ജീ​വി​തം സ​മ്മാ​നി​ക്കാ​ൻ ഇ​റ​ങ്ങി​പ്പു​റ​പ്പെ​ടു​ന്ന ന​മ്മ​ൾ ഓ​രോ പ്ര​വാ​സി​യും കൃ​ത്യ​മാ​യ ജാ​ഗ്ര​ത പാ​ലി​ക്ക​ണ​മെ​ന്ന് ഇ​ത്ത​രം സം​ഭ​വ​ങ്ങ​ൾ ന​മ്മെ ഒ​രി​ക്ക​ൽ​കൂ​ടി ഓ​ർ​മ​പ്പെ​ടു​ത്തു​ന്നു. താ​യ്‍ല​ൻ​ഡ് വ​ഴി ല​ഹ​രി​യു​മാ​യി ദോ​ഹ​യി​ലെ​ത്തി​യ ര​ണ്ടു ചെ​റു​പ്പ​ക്കാ​രു​ടെ വി​ഷ​യ​മാ​ണ്​ ഏ​റ്റ​വും ഒ​ടു​വി​ൽ ഞ​ങ്ങ​ളി​ലേ​ക്കെ​ത്തി​യ​ത്​. ഖ​ത്ത​റി​ൽ നി​യ​മ​ന​ട​പ​ടി നേ​രി​ടു​ന്ന ഇ​വ​രു​ടെ കാ​ര്യം ചൂ​ണ്ടി​ക്കാ​ട്ടി കു​ടും​ബം എം​ബ​സി​യെ​യും ഐ.​സി.​ബി.​എ​ഫി​നെ​യും സ​മീ​പി​ക്കു​ന്നു​വെ​ങ്കി​ലും പ​രി​മി​തി​ക​ൾ ഏ​റെ​യാ​ണ്. ന​മ്മ​ൾ ജോ​ലി​ചെ​യ്യാ​ൻ പോ​കു​ന്ന രാ​ജ്യ​​ങ്ങ​ളി​ലെ നി​യ​മ​ങ്ങ​ൾ പൂ​ർ​ണ​മാ​യും പാ​ലി​ക്കു​ക എ​ന്ന​താ​ണ് ഓ​രോ പ്ര​വാ​സി​യും നി​ർ​ബ​ന്ധ​മാ​യും ചെ​യ്യേ​ണ്ട​ത്.

ഖ​ത്ത​റി​ലെ പ്ര​വാ​സി​ക​ളി​ൽ ഇ​ന്ത്യ​ക്കാ​രു​ടെ വ​ലി​യ എ​ണ്ണം​പോ​ലെ ത​ന്നെ​യാ​ണ് ല​ഹ​രി​ക്കേ​സു​ക​ളി​ൽ നി​യ​മ​ന​ട​പ​ടി നേ​രി​ടു​ന്ന​വ​രു​ടെ​യും അം​ഗ​സം​ഖ്യ. ഗ​ൾ​ഫ് ഭ​ര​ണ​കൂ​ട​ങ്ങ​ളി​ലും അ​ധി​കാ​രി​ക​ളി​ലും പ്ര​വാ​സി മ​ല​യാ​ളി​ക​ളു​ടെ വി​ശ്വാ​സ്യ​ത​ക്ക് കൂ​ടി കോ​ട്ടം സൃ​ഷ്ടി​ക്കു​ന്ന​താ​ണ് ഈ ​സം​ഭ​വ​ങ്ങ​ൾ.

പ്ര​വാ​സി സം​ഘ​ട​ന​ക​ളും സാ​മൂ​ഹി​ക പ്ര​വ​ർ​ത്ത​ക​രും മു​ത​ൽ നാ​ട്ടി​ലെ കൂ​ട്ടാ​യ്മ​ക​ളും നി​യ​മ​പാ​ല​ക​രും നോ​ർ​ക്ക ഉ​ൾ​പ്പെ​ടെ സ​ർ​ക്കാ​ർ സം​വി​ധാ​ന​ങ്ങ​ളു​മെ​ല്ലാം ഗൗ​ര​വ​ത്തി​ലെ​ടു​ക്കേ​ണ്ട​താ​ണ് ല​ഹ​രി​ക്ക​ട​ത്തി​ന് പ്ര​വാ​സി​ക​ളെ ഉ​പ​യോ​ഗ​പ്പെ​ടു​ത്തു​ന്നു​വെ​ന്ന​ത്.

സെ​പ്റ്റം​ബ​ർ ആ​ദ്യ വാ​ര​ത്തി​ൽ ഖ​ത്ത​റി​ലെ ഇ​ന്ത്യ​ൻ എം​ബ​സി​യും ഐ.​സി.​ബി.​എ​ഫും ചേ​ർ​ന്ന് ന​ട​ത്തി​യ ബോ​ധ​വ​ത്ക​ര​ണം ഇ​തി​ൽ ശ്ര​ദ്ധേ​യ​മാ​യി​രു​ന്നു. വി​വി​ധ ക​മ്യൂ​ണി​റ്റി​ക​ളി​ലേ​ക്കും മാ​ധ്യ​മ​ങ്ങ​ളി​ലേ​ക്കും വി​ഷ​യ​ത്തി​ന്റെ ഗൗ​ര​വം എ​ത്തി​ക്കാ​ൻ ഇ​തു​വ​ഴി ക​ഴി​ഞ്ഞു. സ​മൂ​ഹ​ത്തി​ലെ എ​ല്ലാ​വ​രി​ലേ​ക്കും ഈ ​സ​ന്ദേ​ശ​മെ​ത്തി​ക്കാ​ൻ നി​ശ്ചി​ത ഇ​ട​വേ​ള​ക​ളി​ലാ​യി തു​ട​ർ​ന്നും ബോ​ധ​വ​ത്ക​ര​ണ പ​രി​പാ​ടി​ക​ൾ അ​നി​വാ​ര്യ​മാ​ണ്.

പ്ര​വാ​സ​ത്തി​ലെ തു​ട​ക്ക​ക്കാ​രാ​ണ് ഏ​റ്റ​വും കൂ​ടു​ത​ൽ ല​ഹ​രി​ക്ക​ട​ത്തി​ന്റെ ക​ണ്ണി​ക​ളാ​യി മാ​റു​ന്ന​തെ​ന്നാ​ണ് ഇ​തു​വ​രെ​യു​ള്ള അ​നു​ഭ​വ​ങ്ങ​ളി​ൽ​നി​ന്ന് ഞ​ങ്ങ​ൾ മ​ന​സ്സി​ലാ​ക്കി​യ​ത്. വി​ദേ​ശ​രാ​ജ്യ​ത്തെ നി​യ​മ​സം​വി​ധാ​ന​ങ്ങ​ളെ കു​റി​ച്ചു​ള്ള അ​ജ്ഞ​ത​യും നി​യ​മ ലം​ഘ​ന​ത്തി​ന് ല​ഭി​ക്കു​ന്ന ശി​ക്ഷ​യു​ടെ ഗൗ​ര​വ​വും ഇ​വ​ർ ഉ​ൾ​ക്കൊ​ള്ളു​ന്നി​ല്ല എ​ന്ന​താ​ണ് വാ​സ്ത​വം. പ​ല​പ്പോ​ഴും പി​ടി​ക്ക​പ്പെ​ട്ട​തി​നു​ശേ​ഷം മാ​ത്ര​മാ​യി​രി​ക്കും ത​ങ്ങ​ൾ ചെ​യ്ത തെ​റ്റി​നെ കു​റി​ച്ച്​ അ​വ​ർ ചി​ന്തി​ക്കു​ന്ന​ത്.

വി​ദേ​ശ​ങ്ങ​ളി​ലേ​ക്ക് യാ​ത്ര​ക്കൊ​രു​ങ്ങു​ന്ന​വ​ർ ല​ഹ​രി മാ​ഫി​യാ​സം​ഘ​ങ്ങ​ളു​ടെ ച​തി​യി​ൽ കു​രു​ങ്ങാ​തി​രി​ക്കാ​നും ശ്ര​ദ്ധി​ക്ക​ണം. സ്വ​ന്തം ല​ഗേ​ജി​ന്റെ ഉ​ത്ത​ര​വാ​ദി​ത്തം ത​ങ്ങ​ൾ​ക്ക് മാ​ത്ര​മാ​ണെ​ന്ന ബോ​ധ്യ​ത്തി​ലാ​യി​രി​ക്ക​ണം ല​ഗേ​ജി​ലെ ഓ​രോ വ​സ്തു​വും ക​രു​തേ​ണ്ട​ത്. നി​യ​മ​വി​രു​ദ്ധ​മാ​യ ഒ​ന്നും സ്വ​ന്തം ബാ​ഗു​ക​ളി​ൽ ഇ​ല്ലെ​ന്നും ഉ​റ​പ്പാ​ക്ക​ണം.

എം​ബ​സി​ക​ൾ, അ​പെ​ക്സ് സം​ഘ​ട​ന​ക​ൾ, സാ​മൂ​ഹി​ക പ്ര​വ​ർ​ത്ത​ക​ർ തു​ട​ങ്ങി​യ​വ​ർ​ക്കെ​ല്ലാം വി​ദേ​ശ രാ​ജ്യ​ങ്ങ​ളി​ലെ ല​ഹ​രി​ക്കേ​സു​ക​ളി​ൽ പ​രി​മി​ത​മാ​യി മാ​ത്ര​മെ ഇ​ട​പെ​ടാ​ൻ ക​ഴി​യൂ എ​ന്ന് ഓ​രോ പ്ര​വാ​സി​യും ഓ​ർ​​ക്ക​ണം.