ഡ​ബ്ൾ സ്മാ​ർ​ട്ടാ​ണ് വി​മാ​ന​ത്താ​വ​ള​ത്തി​ലെ ഡ്രൈ​വ​റി​ല്ലാ വാ​ഹ​ന​ങ്ങ​ൾ

ദോ​ഹ: സാ​​ങ്കേ​തി​ക കു​തി​പ്പി​ൽ മേ​ഖ​ല​യി​ലെ​ത​ന്നെ മ​റ്റു വി​മാ​ന​ത്താ​വ​ള​ങ്ങ​ൾ​ക്ക് മാ​തൃ​ക​യാ​ണ് ഖ​ത്ത​റി​ന്റെ ആ​കാ​ശ​ക​വാ​ട​മാ​യ ഹ​മ​ദ് അ​ന്താ​രാ​ഷ്ട്ര വി​മാ​ന​ത്താ​വ​ളം. അ​തി​ൽ ഏ​റ്റ​വും നൂ​ത​ന​മാ​യ​താ​ണ് ഫെ​ബ്രു​വ​രി​യി​ൽ പ​രീ​ക്ഷ​ണാ​ടി​സ്ഥാ​ന​ത്തി​ൽ ​ആ​രം​ഭി​ച്ച ഡ്രൈ​വ​റി​ല്ലാ വാ​ഹ​ന​ങ്ങ​ളു​ടെ സേ​വ​നം.

ഖ​ത്ത​ർ ഏ​വി​യേ​ഷ​ൻ സ​ർ​വി​സ​സ്, എ​യ​ർ​പോ​ർ​ട്ട് ഓ​പ​റേ​ഷ​ൻ ആ​ൻ​ഡ് മാ​നേ​ജ്‌​മെ​ന്റ് ക​മ്പ​നി​യാ​യ മ​താ​ർ, ഖ​ത്ത​ർ ഫൗ​ണ്ടേ​ഷ​ൻ അം​ഗ​മാ​യ ഖ​ത്ത​ർ സ​യ​ൻ​സ് ആ​ൻ​ഡ് ടെ​ക്നോ​ള​ജി പാ​ർ​ക്ക് (ക്യു.​എ​സ്.​ടി.​പി) എ​ന്നി​വ​യു​മാ​യി സ​ഹ​ക​രി​ച്ചാ​ണ് ഹ​മ​ദ് അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ൽ ഏ​റ്റ​വും നൂ​ത​ന​മാ​യ ഓ​ട്ടോ​ണ​മ​സ് ബ​സും ഓ​ട്ടോ​ണ​മ​സ് ബാ​ഗേ​ജ് ട്രാ​ക്ട​റും പ​രീ​ക്ഷ​ണാ​ടി​സ്ഥാ​ന​ത്തി​ൽ പ്ര​വ​ർ​ത്ത​ന​മാ​രം​ഭി​ച്ച​ത്. മേ​ഖ​ല​യി​ൽ​ത​ന്നെ ആ​ദ്യ​മാ​യാ​ണ് ഒ​രു വി​മാ​ന​ത്താ​വ​ള​ത്തി​ൽ ഈ ​വാ​ഹ​ന​ങ്ങ​ളു​ടെ സേ​വ​നം ഉ​പ​യോ​ഗ​പ്പെ​ടു​ത്തി​യ​ത് എ​ന്ന പ്ര​ത്യേ​ക​ത​യു​മു​ണ്ട്.

ഡ്രൈ​വ​റി​ല്ലാ വാ​ഹ​ന​ങ്ങ​ളു​ടെ സേ​വ​ന​ത്തെ ത​ട​സ്സ​പ്പെ​ടു​ത്തു​ന്ന മ​ണ​ൽ​ക്കാ​റ്റ് പോ​ലു​ള്ള പ്ര​തി​കൂ​ല കാ​ലാ​വ​സ്ഥ​യെ റ​ഡാ​ർ, ഒ​പ്റ്റി​ക​ൽ സി​സ്റ്റം തു​ട​ങ്ങി​യ സേ​വ​ന​ങ്ങ​ളി​ലൂ​ടെ മ​റി​ക​ട​ക്കാ​ൻ ശേ​ഷി​യു​ണ്ടെ​ന്ന് അ​ധി​കൃ​ത​ർ സാ​ക്ഷ്യ​പ്പെ​ടു​ത്തു​ന്നു. ‘ഐ ​ഓ​ഫ് ദി ​പേ​ൾ’ പോ​ലു​ള്ള പ​ദ്ധ​തി​യി​ലാ​ണ് കാ​ലാ​വ​സ്ഥ വെ​ല്ലു​വി​ളി​ക​ളെ മ​റി​ക​ട​ക്കു​ന്ന​തി​നാ​യി സ്വീ​ക​രി​ച്ച​ത്. ക്യു.​എ​സ്.​ടി.​പി​ക്ക് കീ​ഴി​ലെ യു.​ഐ.​എ​സ്.​ഇ.​ഇ ക​മ്പ​നി​യാ​ണ് ഹ​മ​ദ് വി​മാ​ന​ത്താ​വ​ള​ത്തി​ലെ ഡ്രൈ​വ​റി​ല്ലാ വാ​ഹ​ന​ത്തി​ന് പി​ന്നി​ൽ പ്ര​വ​ർ​ത്തി​ക്കു​ന്ന​ത്.

വ​ർ​ഷ​ത്തി​ൽ ആ​റ് ത​വ​ണ​യെ​ങ്കി​ലും ശ​ക്ത​മാ​യ മ​ണ​ൽ​ക്കാ​റ്റ് ഭീ​ഷ​ണി നേ​രി​ടു​മെ​ന്നാ​ണ് ക​ണ​ക്കാ​ക്കു​ന്ന​ത്. പ​ര​മ്പ​രാ​ഗ​ത ഓ​ട്ടോ​ണ​മ​സ് സാ​ങ്കേ​തി​ക​വി​ദ്യ​ക​ൾ​ക്ക് ഇ​തി​നെ പ്ര​തി​രോ​ധി​ക്കാ​ൻ സാ​ധി​ക്കു​ക​യി​ല്ല. ഇ​ത്ത​രം സാ​ഹ​ച​ര്യ​ത്തി​ലാ​ണ് പ്ര​തി​രോ​ധ​ശേ​ഷി വ​ർ​ധി​പ്പി​ക്കു​ന്ന ‘ഐ ​ഓ​ഫ് ദി ​പേ​ൾ പ്രോ​ജ​ക്ട്’ ശ്ര​ദ്ധ കേ​ന്ദ്രീ​ക​രി​ച്ചി​രി​ക്കു​ന്ന​ത്. സാ​ധാ​ര​ണ വാ​ഹ​ന​ങ്ങ​ളെ​ക്കാ​ൾ പ​ത്തി​ര​ട്ടി സു​ര​ക്ഷ​യാ​ണ് നി​ർ​മി​ത​ബു​ദ്ധി​യി​ലൂ​ടെ പ്ര​വ​ർ​ത്തി​ക്കു​ന്ന ഡ്രൈ​വ​റി​ല്ലാ വാ​ഹ​ന​ങ്ങ​ൾ വാ​ഗ്ദാ​നം ചെ​യ്യു​ന്ന​തെ​ന്ന് യു.​ഐ.​എ​സ്.​ഇ.​ഇ സി.​ഇ.​ഒ ഗാ​ൻ​ഷ വു ​പ​റ​ഞ്ഞു.

ഗ​താ​ഗ​ത നി​യ​മ​ങ്ങ​ൾ, നി​യ​ന്ത്ര​ണ​ങ്ങ​ൾ എ​ന്നി​വ​യി​ൽ കൂ​ടു​ത​ൽ കാ​ര്യ​ക്ഷ​മ​മാ​യ രീ​തി​യി​ൽ പ്ര​വ​ർ​ത്തി​ക്കാ​ൻ ക​ഴി​യു​മെ​ന്നും ഗാ​ൻ​ഷ വു ​കൂ​ട്ടി​ച്ചേ​ർ​ത്തു. നി​ല​വി​ൽ വി​മാ​ന​ത്താ​വ​ള​ത്തി​ൽ ര​ണ്ട് ഡ്രൈ​വ​റി​ല്ലാ വാ​ഹ​ന​ങ്ങ​ളാ​ണ് പ​രീ​ക്ഷ​ണാ​ടി​സ്ഥാ​ന​ത്തി​ൽ പ്ര​വ​ർ​ത്തി​ക്കു​ന്ന​ത്. ല​ഗേ​ജ് ട്രാ​ക്ട​ർ, യാ​ത്ര​ക്കാ​ർ​ക്കാ​യു​ള്ള ബ​സ് എ​ന്നി​വ​യാ​ണ​വ. ഐ.​ഓ​ഫ് ദി ​പേ​ൾ സാ​ങ്കേ​തി​ക​വി​ദ്യ ഉ​പ​യോ​ഗി​ച്ച് ഇ​വ ര​ണ്ടും പൂ​ർ​ണ​മാ​യും സ്വ​യം പ്ര​വ​ർ​ത്തി​ക്കാ​ൻ സാ​ധി​ക്കും.

ജി.​പി.​എ​സ്, എ.​ഐ-​ഡ്രൈ​വ​ൺ സി​സ്റ്റ​ങ്ങ​ൾ, ഇ​ന്റ​ലി​ജ​ന്റ് സെ​ൻ​സ​റു​ക​ൾ, ലി​ഡാ​ർ തു​ട​ങ്ങി നൂ​ത​ന സാ​ങ്കേ​തി​ക​വി​ദ്യ​ക​ൾ​കൊ​ണ്ട് സ​ജ്ജ​മാ​ക്കി​യ വാ​ഹ​ന​ങ്ങ​ളു​ടെ പ്ര​വ​ർ​ത്ത​ന സു​ര​ക്ഷ​യും കാ​ര്യ​ക്ഷ​മ​ത​യും ഇ​തി​ലൂ​ടെ ഉ​റ​പ്പാ​ക്കും.

ഏ​ത് കാ​ലാ​വ​സ്ഥ​യി​ലും മു​ഴു​സ​മ​യം പ്ര​വ​ർ​ത്തി​ക്കാ​നു​ള്ള ശേ​ഷി, നി​രീ​ക്ഷ​ണം, സ്വ​യം പ്ര​വ​ർ​ത്തി​ക്കു​ന്ന ചാ​ർ​ജി​ങ് സം​വി​ധാ​നം എ​ന്നി​വ ഈ ​വാ​ഹ​ന​ങ്ങ​ളു​ടെ സ​വി​ശേ​ഷ​ത​ക​ളി​ൽ ഉ​ൾ​പ്പെ​ടു​ന്നു. സ്മാ​ർ​ട്ട് മൊ​ബി​ലി​റ്റി​യു​ടെ ഭാ​വി രൂ​പ​പ്പെ​ടു​ത്തു​ന്ന​തി​നാ​യി ക്യു.​എ​സ്.​ടി.​പി​യി​ൽ വി​ക​സി​പ്പി​ച്ചെ​ടു​ത്ത ലെ​വ​ൽ നാ​ല് ഓ​ട്ടോ​ണ​മ​സ് വാ​ഹ​ന​ങ്ങ​ളാ​ണ് ഹ​മ​ദ് വി​മാ​ന​ത്താ​വ​ള​ത്തി​ൽ പ​രീ​ക്ഷ​ണ ഓ​ട്ട​ത്തി​ലു​ള്ള​ത്.